Ақтөбеде әкімдік ғимараты босатылды

Ақтөбеде өткен түнде құқық қорғаушылар арнайы операция өткізіп, әкімдік ғимаратын босатты, деп хабарлайды «Хабар 24».

Бұл туралы облыстық полиция департаментінің баспасөз қызметінің жетекшісі Ерболат Сарқұлов мәлімдеді. Қазір әкімдік ғимаратында криминалист мамандар жұмыс істеп жатыр. Қару-жарақ пен өзге де жарылығыш заттардың бар-жоғын тексереді.

Бейбіт шеруді арандатқандар біраз бөлмені бүлдірген. Есік-терезені сындырып, жиһаз бен кеңсе заттарын қиратқан. Шеру өткен алаңда әскери техника тұр, маңай қоршауға алынды. Коммуналдық қызмет алаңды қоқыстан тазартып жатыр. Облыс комендантының мәліметінше, арнайы операция барысында қоғамдық тәртіпті бұзған бірнеше адам полиция бөлімшелеріне жеткізілді. Тәртіп сақшылары арасында 7 адам жарақат алған.

#Ақтөбе #Бүлік #ӘкімдікҒимараты #Хабар24Жаңалықтары

«Хабар 24» арнасына жазылыңыздар: http://bit.ly/31WnObW
Біздің сайт - https://24.kz

Видео Ақтөбеде әкімдік ғимараты босатылды канала Телеканал Хабар 24