Наркоман болдым. «Жаңа қадам»

ХХІ ғасыр індеті – синтетикалық есірткі. Ғасыр індеті деуіміздің себебі, есірткіге тәуелді болған адамдарды бұрын емдеп алу мүмкін еді. Ал синтетикалық есірткіге үйреніп алғандардың жағдайы қиын боп тұр. Бұл тәнді де, жанды да жаралайтын өте жауыз еліктіргіш. Соңғы бес жыл ішінде синтетикалық есірткіні тұтынатын балалар мен ересектер саны 14 есе өскен. Бұл кесел адам психологиясына санаулы секундта өте қатты әсер етеді деп неврология ғылымы баяғыдан дабыл қаққан. Есірткінің табиғи түріне тәуелді болғандарға ем табылып, енді құрықталып келе жатқандай еді. Ал жыл сайын 20-30 жаңа түрі шығып жатқан синтетиканы қолданғандарды емдеу, тіпті өмірге қайта оралту мүмкін болмайды дейді мамандар. Синтетикалық есірткіге еліткендерді «миына мина жасырылғандар» дейді екен бейнелеп. Сорақысы – жаңа дүниеге жаны құмар жастар бұл бәлекеттің түбін ойламай, тәуелділікке бой алдырып жатыр. Оның үстіне оңай ақша табамын деп, тасымалдаушы қызметін атқарып жүрген қаншама қаракөздеріміз бен қара домалақ жастарды да көріп жүрміз. Оларға қандай жаза қарастырылған? Бұнымен қоғам болып қалай күресеміз?

Видео Наркоман болдым. «Жаңа қадам» канала EL ARNA