Қалтқысыз қызмет пен темірдей тәртіп

Қызылордада қауіпсіздігі барынша төмен мекемедегі ең жауапты жұмыс «Режим» бөліміне жүктелген. Қызметкерлерден қырағылықты талап ететін қызмет туралы тілші бейнематериалында.

Бейнетіркеуіш, резеңке таяқша, рация және кісен. «Режим» бөлімінде күнделікті қолданылатын құралдар. Қылмыс жасап сотталғандар жазасын өтейтін нысанға келіп-кетушілерді тексеріп, тінтіп өткізетін қызметкерлердің жұмысына қарап, қауіпсіздігі барынша төмен мекемедегі қауырт тірлікті бағамдай беруге болады.

ӨМІРЗАҚ СЕЙДАХМЕТОВ - ҚР ІММ ҚАЖ №37 МЕКЕМЕСІ БАСТЫҒЫНЫҢ ОРЫНБАСАРЫ
«Бұл мекемеде көбінесе сот пен соттың үкімімен абайсызда қылмыс жасағандар және қасақана қылмыс жасағаны үшін 2 жылға сотталғандар жазасын өтейді. Қазіргі таңда сотталғандар саны 150-ден асады. Күнделікті мекеме тарапынан арнайы кесте жасалып, тексерліп отырады. Бұларға бақылау жасайтын мекемеде түрлі сала қызметтері бар. оның ішінде негізгі қызметтер режим қызметі, жедел қызмет, тәрбие бөлім қызметкерлері».

Мұндағы жауапкершіліктің жүгі ауыр. Сотталғандардың жүріс-тұрысы, жұмыс істеуі мен тәртібі бәрі-бәрі қырағы бақылауда болуы тиіс. Сонымен қатар кездесуге келген сотталғандардың туыстарына Қылмыстық кодекстің нормалары мен заң алдындағы жауапкершіліктерін түсіндіру де бөлім қызметкерлерінің құзырында.

Режим бөлімінде табанды қызмет етіп келе жатқандардың бірі - Әзімхан Рахманов. Ол еңбек жолын ЗК-169/4 мекемесінде бастаған.

ӘЗІМХАН РАХМАНОВ - ҚР ІММ ҚАЖ №37 МЕКЕМЕСІ РЕЖИМ БӨЛІМІНІҢ ЖЕДЕЛ УӘКІЛІ
«Сержант болып бастадым жұмысымды. 2007 жылы Шиелі ауданы, Тартоғай ауылында орналасқан номері 169/4 қауіпсіздігі барынша төмен мекемесіне ауыстым. Ол жақта да бақылаушылар бөлімінде, сержан болып істедім. Ол жақта жүріп 2008 жылы лейтенант шенін алдым. Бұл саланың қызметі недегенмен ауыр келеді ғой. Оның сотталғандармен жұмыс істегеннен кейін. Қазіргі атқарып отырған лауазымыма 2010 жылы тағайындалдым».

Әзімхан Рахманов отбасында үлгілі әке, ардақты жар. «Қызметім қанша қиын болса да бала тәрбиесіне көп көңіл бөлемін»,- дейді әділет майоры.

ӘЗІМХАН РАХМАНОВ - ҚР ІММ ҚАЖ №37 МЕКЕМЕСІ РЕЖИМ БӨЛІМІНІҢ ЖЕДЕЛ УӘКІЛІ
«5 бала тәрбиелеп отырмын өзім. 2 балам қазір студент, 2 балам мектепте, 1 балам балабақшада тәрбиеленуде. Уақыт бөлеміз бала-шағамызға. Тәрбиелеуге тырысамыз, асыраймыз. Барлығына үлгеруіміз керек қой. Бұл салаының жұмысы ауыр ғой. Қазіргі таңда менің бұл салады жүрегінме 22 жыл болды. Сол жас мамандарға соны айтып, түсіндіріп жүремін».

Шыны керек, бұл саланың жұмысы көзге көріне бермейді. Қызметкерлер еңбегі қоғам арасында бағалана да бермейді. Соған қарамастан бүгінгі кейіпкеріміз сынды азаматтар қоғам қауіпсіздігінің сақталуына зор үлес қосып келеді.

Сайт - https://qyzylordatv.kz/ru/live
Facebook - https://www.facebook.com/qyzylordatv/
Instagram - https://www.instagram.com/qyzylordatv/
Telegram - https://t.me/qyzylords_tv
Tiktok -https://www.tiktok.com/@qyzylorda_tv/

Видео Қалтқысыз қызмет пен темірдей тәртіп канала QYZYLORDA TV / Қызылорда телеарнасы