Истихара намазы қалай оқылады? // Марфуға ШАПИЯН

Истихара – ісіңді Аллаға тапсыру, Одан таңдау жасауда көмек сұрау.
⠀
Истихара намазын оқығысы келген адам «Истихара намазын оқуға ниет еттім» деп, басқа намаздардағыдай 2 рәкағат намаз оқиды. Қосымша сүреге истихараның алғашқы аятында «Кәфирун», екінші аятында «Ықылас» сүресін оқу ұнамды іс. Артынан истихара дұғасын айтады.
⠀
Бұл туралы сахаба Жәбир ибн Абдуллаһ: Пайғамбарымыз (с.а.у.) бізге барлық істерде Құран сүрелерінің бірін мұқият үйреткеніндей истихара сұрауды үйретіп, былай дейтін еді: «Егер сендерден біреуің қандайда бір істі бастамақ болса, парыз етілмеген екі рәкағат истихара намазын оқысын да, кейін былай десін:
⠀
«Иә, Алла! Маған іліміңнен игілік бергейсің. Құдіретіңмен мені қуатты еткейсің. Кең пейіліңмен мені қуанышты еткейсің. Расында менің күш-құдіретім жетпейді. Мен еш нәрсені білмеймін. Ал Сен барлық нәрсені білесің. Әрі Сен көместі де толық көрушісің. Иә Алла! Егер бұл істің дінімде, тіршілігімде, істерімнің соңында, мен үшін қайырлы екендігін білсең, оны маған нәсіп ете гөр, әрі маған ол істі оңай етіп, кейін оны мен үшін берекелі ет! Ал егер бұл істің дінімде, тіршілігімде, істерімнің соңында мен үшін жаман екендігін білсең, оны менен алыстата гөр. Әрі мені де одан аулақ ет. Қай жерде болса да мен үшін жақсылықты нәсіп ет, мені сол жақсылықпен разы ете гөр».
⠀
Бұл – истихара дұғасы. Егер шұғыл жағдай боп, намазын оқуға үлгермей жатсаңыз, осы дұғаны да оқуға болады.
⠀
Истихара намазының арнайы уақыты жоқ. Түнгі уақытта оқыған абзалырақ.
⠀
Истихараның жауабын Алла тағала жүрегіңізге салады. Егер намаздан соң көңіліңіз тыныш боп, нақты бір таңдауға тоқтасаңыз, шешімі сол деген сөз. Кей адамдар аян түстер де көріп жатады.
⠀
Истихараны нақты бір шешімге келгенше оқыған дұрыс. Өзім 10 шақты күн қатарынан оқыдым. Тағы бір ескертетін мәселе, истихараның соңы үнемі қуаныш, бақытпен аяқтала бермеуі мүмкін. Истихарамен құрылған кей отбасылар ажырап та жатады. Бірақ мұнда біз білмейтін бір қайыр бары сөзсіз...
⠀
Ал сіз истихара намазын оқып көрдіңіз бе?
⠀
#истихара #намаз #оқу

МЕНІ МЫНА ӘЛЕУМЕТТІК ЖЕЛІЛЕРДЕН ТАБА АЛАСЫЗДАР:

*instagram: https://www.instagram.com/marfugashapian

*facebook: https://www.facebook.com/marfugashapian

*vk: https://vk.com/marfugashapian

*telegram: https://t.me/marfugashapian

Хат жіберу үшін пошта: marfuga21@gmail.com

Видео Истихара намазы қалай оқылады? // Марфуға ШАПИЯН канала Марфуға ШАПИЯН