Президент ўғли яна бир мақомни эгаллади

Рустам Имомали президент отасининг буйруғи асосида Халқ депутатлари Душанбе шаҳар кенгашининг раисига айланди. Кенгаш сешанба куни бўлиб ўтган мажлисида президент Имомали Раҳмоннинг бу хусусдаги буйруғини маъқуллади. Рустам Имомали бундан икки ҳафта бурун, шаҳар кенгашига оралиқ сайловлардаги ғалабаси ортидан расман Душанбе ҳокими сифатида ўз вазифасининг ижросига киришган.
Аммо бу лавозимга шу йилнинг 12 январь куни тайин этилганди. Маҳаллий кузатувчиларга кўра, Халқ депутатлари Душанбе шаҳар кенгашининг раислиги Тожикистон президенти тўнғич ўғли сиёсий карьерасида олдинга қўйилган яна бир муҳим ва асосий қадамлардан бири бўлади. Яъни, уларнинг айтишларича, янги мақоми Рустам Имомалига келаси йил бошида Тожикистон парламенти Олий палатаси раислигига йўл очади.
Имомали Раҳмон 1994 йили 16 ноябрдан Тожикистон ҳокимиятини бошқариб келади ва 2020 йилда тўртинчи президентлик муддати ниҳоясига етади. 2016 йилнинг май ойида Тожикистонликлар Имомали Рахмонни умрбод президентга айлантирувчи конституцион ўзгартиришларга оид референдумида овоз беришган.
Асосий конституцион ўзгартиришлар президент Рахмонга қанча хоҳласа, шунча муддатга ҳокимиятда қолишига рухсат бериш; президентликка номзодини илгари суришни 35 ёшдан 30 ёшгача пасайтириш; ҳамда диний асосдаги сиёсий партияларни тақиқлашни ҳам кўзда тутган. Рустам Имомалининг президентлик лавозомига кўтариш учун кетаётган ҳаракатлар кўзга яққол ташланяпти.
Global finance Америка нашриётининг “ Дунёдаги энг бой ва камбағал давлатлар” (The World’s Richest and Poorest Countries) рўйхатида берилишича Тожикистон 189 мамлакатнинг ичида қашшоқлик бўйича 157 ўринни эгаллайди. Тожикистон президенти халқини қашшоқликдан чиқариш ўрнига, оиласини келажагига кўпроқ эътибор бераётган кўринади.

Видео Президент ўғли яна бир мақомни эгаллади канала Central Asia Media