Top News/ ‘Kanë kryer krime lufte’/ Kërkohet arrestimi i liderit të Izraelit dhe Hamasit

Kryeprokurori i Gjykatës Ndërkombëtare Penale ka deklaruar se po kërkon urdhër-arreste për kryeministrin izraelit, ministrin e mbrojtjes dhe tre udhëheqësit kryesorë të Hamasit në lidhje me veprimet e tyre gjatë luftës që ka nisur që prej 7 tetorit.
Kryeprokurori vlerëson se ka arsye të arsyeshme për të besuar se të dy liderët kryesorë mbajnë përgjegjësi penale për krimet e luftës dhe krimet kundër njerëzimit që nga dita e sulmit të Hamasit ndaj Izraelit më 7 tetor e deri më sot, që luftimet vijojnë ende në disa fronte.
Pas kërkesës së prokurorit, do të jenë gjyqtarët e gjykatës që do të vendosin nëse besojnë se provat janë të mjaftueshme për të lëshuar urdhër-arreste.
Akuza e ngritur nga prokurori nuk është pritur mirë nga anjera palë. Fillimisht ministri i Jashtëm i Izraelit, Israel Katz e quajti "sulm frontal të pakufizuar" ndaj viktimave të sulmeve të 7 tetorit dhe një "turp historik që do të mbahet mend përgjithmonë". Nga ana tjetër Hamasi kërkoi "anulimin e të gjitha urdhërarresteve të lëshuara kundër liderëve të rezistencës palestineze" dhe i quajti përpjekjet e Khan si një mënyrë për të barazuar viktimën me vrasësin.
Grupi u ankua gjithashtu se kërkesa për urdhër-arrest kundër Netanyahu dhe Galllant kishte ardhur "shtatë muaj me vonesë" dhe se liderë të tjerë politikë dhe ushtarakë izraelitë nuk ishin emëruar përkrah tyre.
Kryeprokurori akuzoi liderët e Hamasit se kishin kryer krime, duke përfshirë shfarosjen, vrasjen, marrjen e pengjeve, përdhunimin dhe dhunën seksuale dhe torturën.
Ai tha se kryeministri izraelit dhe ministri i mbrojtjes dyshoheshin për krime, duke përfshirë urinë e civilëve si metodë lufte, vrasje, drejtim të qëllimshëm të sulmeve kundër një popullsie civile dhe shfarosje.
Kryeprokurori tha se zyra e tij kishte prova se Izraeli kishte "privuar qëllimisht dhe sistematikisht popullsinë civile në të gjitha pjesët e Gazës nga objektet e domosdoshme për mbijetesën njerëzore". Izraeli, tha ai, ka të drejtë të mbrohet, por jo duke "shkaktuar qëllimisht vdekje, urinë, vuajtje të mëdha dhe lëndime serioze në trupin ose shëndetin e popullatës civile", të cilat ai tha se ishin akte kriminale.

Pamje:AFP

Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.

Për më shumë vizitoni: http://top-channel.tv/

Subscribe to "Top Channel" on YouTube Channel for NEWS and TV
Shows HERE: http://bit.ly/2Y15KwK
For more content from click HERE: www.top-channel.tv
Like Top Channel on Facebook HERE: http://bit.ly/2FglWTs
Follow Top Channel on Instagram HERE: http://bit.ly/2uaYG2U
Follow Top Channel on Twitter HERE: http://bit.ly/2TJndeH
#TopNews#Izrael#Hamas

Видео Top News/ ‘Kanë kryer krime lufte’/ Kërkohet arrestimi i liderit të Izraelit dhe Hamasit канала Top Channel Albania