ҚР Мемлекеттік хатшысының өкілеттіктері кеңейтілді

Президент Қасым-Жомарт Тоқаев Мемлекеттік хатшының өкілеттіктеріне өзгерістер енгізді.

Жарлыққа сәйкес, Мемлекеттік хатшы ішкі саясатта Президентке стратегиялық ұсыныстар әзірлейді;

Ұлттық қоғамдық сенім кеңесінің және Жастар саясаты жөніндегі кеңестің қызметін үйлестіреді;

Қазақстан стратегиялық зерттеулер институтының қызметін қадағалайды. Сонымен қатар Мемлекеттік хатшы Президент тапсырмасы бойынша Парламентпен, саяси партиялармен, қоғамдық бірлестіктермен қарым-қатынаста және халықаралық қатынастарда оның атынан өкілдік етеді.

Президенттің тапсырмаларына сәйкес Мемлекеттік хатшы өзге де өкілеттіктерді жүзеге асырады. Бұл туралы елдің нормативтік-құқықтық актілерді эталондық бақылау банкі хабарлады.

«Хабар 24» арнасына жазылыңыздар: http://bit.ly/31WnObW
Біздің сайт - https://24.kz

Видео ҚР Мемлекеттік хатшысының өкілеттіктері кеңейтілді канала Телеканал Хабар 24