Кадзуо Ишигуроның "Не отпускай меня" кітабына шолу // Марфуға Шапиян

Ағылшын жазушысы Кадзуо Исигуроның Нобель сыйлығын алуы мен үшін үлкен жаңалық болды. Осы жолы Муракамидың жолы болатын шығар деп ойлап жүргенмін. Ал жеңімпаз Кадзуо дегенде, оның бірде бір кітабын оқымағаным есіме түсті. Жазушы шығармашылығымен мүлде таныс емеспін. Бірден кітап дүкеніне барып, сонда бар жалғыз кітабы “Не отпускай менясын” сатып алдым. Бірақ неге екенін, Исигуроның “Остаток днясы” алдын орап кетті де, соны электронды нұсқадан бірінші оқып тастадым. Оқылмай жатқан “Не отпускай меня” менімен Өзбекстанға барып қайтты. Ол жақта да аяқталмай, тек өткен аптада бітті-ау. Бұл кітап қызықсыз деген сөз емес... Керісінше, ауыр мұң арқалаған, жаныңның терең иірімдерін аралап кететін мөп-мөлдір роман дер едім.
⠀
“Не отпускай меня” антиутопия жанрындағы ғылыми-фантастикалық роман. Фантастика дегенде, асып бара жатқан шытырман оқиға жоқ. Кэти есімді қыз бен оның Рут, Томми атты достары туралы. Олар өзге адамдар сияқты дүние есігін ашпаған, өмірде бар адамды клондау арқылы пайда болған жаратылыстар. Оларды медицина донорлыққа қолданады. Жазушының шеберлігі сондай, кітап кейіпкерлері сенің досыңа айналып кетеді. Олармен бірге мұңаясың, олар үшін жүрегің ауырады. Олардың өмір сүргісі келеді. Ал оларды өлім күтіп тұр еді… Өмірдің әділетсіздігіне, адамдардың озбырлығына налисың… Мен кітапты неге сонша ұзақ оқығанымды түсіндім. Жүрегімді, жанымды ауыртқым келмеген… Қатыгездікті көргім келмеген… Исигуроға Нобель тегін берілмегенін түсінгендеймін. Романдары жан дүниеңді төңкеріп тастайды екен. Мұны тек оқу керек.
⠀
“Не отпускай меняны” бір сәт Муракамидың “Норвежский лесына” ұқсатсам, тағы бір сәтте Харпер Лидің “Убить пересмешникасына” келетін секілді көрінді. Бұл романның желісімен фильм де түсіріліпті. Кітаптан алған әсерді фильммен құртқым келмей отыр. Қысқасы, Исигуроға күндердің бір күнінде қайта оралатын секілдімін. Бұл басқа бір әлем…

#неотпускайменя #кадзуоисигуро #нобель
МЕНІ МЫНА ӘЛЕУМЕТТІК ЖЕЛІЛЕРДЕН ТАБА АЛАСЫЗДАР:

*facebook: https://www.facebook.com/marfugashapian
*vk: https://vk.com/marfugashapian
*instagram: https://www.instagram.com/marfugasha...
*telegram: https://t.me/marfugashapian
*блог: http://marfugashapian.islam.kz/kk/#gs...

Хат жіберу үшін пошта: marfuga21@gmail.com

Видео Кадзуо Ишигуроның "Не отпускай меня" кітабына шолу // Марфуға Шапиян канала Марфуға ШАПИЯН