Астанада тағы бір жаға ұстатарлық жағдай

Астанада тағы бір жаға ұстатарлық жағдай. Қонақтан түн ортасында қайтқан жас жұбайлар бала тауып алды. Қатыгез ана туғанына небәрі 2 сағат болған сәбиін шүберекке орап, пакетке салып, қоқыс контейнеріне лақтырып кеткен.
Түнгі 3 жарымда үйіне оралған Әлдилә Ысқақова мысықтың баласына ұқсас дауыс естіп, күйеуінен контейнерге түсіп қарауын сұрапты. Қатар жатқан үш дорбаның екеуін көтеріп, үшіншісін көргенде ол мелшиіп тұрып қалған. Сөйтсе, естігені марғау емес, сәбидің іңгәлаған шырылы екен. Олар нәрестені үйге кіргізіп, жедел жәрдем мен полиция шақырған. Сәбидің "Періштесі қақты" деп, атын Әлфия қояды. Арабшадан аударғанда ол Мыңжасар деген мағынаны білдіреді екен. Дәрігерлердің айтуынша, баланың салмағы 2 келі 600 грамм. Бойы 48 сантиметр. Астананың суығында 2 сағат далада қалып, суық тиген. Қазір жағдайы сәл жақсарып, жансақтау бөлімінен жалпы палатаға шығарылған. Полицейлер баланың анасын тапты. Ол Астана колледждерінің бірінің 16 жасар студенті екен. Баланы қауіпті жағдайда қалдырғаны үшін үстінен іс қозғалды.
СОФЬЯ ҚЫЛЫШБЕКОВА, Астана қаласы ІІД баспасөз қызметінің жетекшісі:
Бұл бап бойынша 3 айға дейін қамауға алынады. Немесе қоғамдық жұмыстар 120 сағаттан 180 сағатқа дейін. Немесе еңбекпен түзету жұмыстары 1 жылға дейін.

Видео Астанада тағы бір жаға ұстатарлық жағдай канала Информбюро 31