ედუარდ შევარდნაძეს კვირას დაკრძალავენ

საქართველოს ყოფილი პრეზიდენტი 86 წლის ასაკში, 7 ივლისს, დაახლოებით 12 საათზე, საკუთარ სახლში, კრწანისის რეზიდენციაში გარდაიცვალა. გავრცელებული ინფორმაციით, მას ბოლო პერიოდში ჯანმრთელობასთან დაკავშირებული პრობლემები ჰქონდა.

ედუარდ შევარდნაძე 1928 წლის 25 იანვარს ლანჩხუთის რაიონის სოფელ მამათში დაიბადა.

1959 წელს დაუსწრებლად დაამთავრა ქუთაისის ა. წულუკიძის სახელობის პედაგოგიური ინსტიტუტი.

1972-1985 წლებში იყო საქართველოს ცკ-ს პირველი მდივანი, 1985-1990 წლებში -- საბჭოთა კავშირის საგარეო საქმეთა მინისტრი, 1995-2003 წლებში ედუარდ შევარდნაძე საქართველოს პრეზიდენტი იყო. თანამდებობიდან ის "ვარდების რევოლუციის" შედეგად გადადგა.

ედუარდ შევარდნაძე 1995 წლის ნოემბერში ხმების 74%-ით აირჩიეს საქართველოს პრეზიდენტად, 2000 წლის 9 აპრილს კი შევარდნაძე ხმათა 82%-ით მეორე ვადით იქნა არჩეული საქართველოს პრეზიდენტად.

ედუარდ შევარდნაძეზე სამჯერ განხორციელდა თავდასხმა, მათ შორის 1992 წელს აფხაზეთში, 1995 წელს საქართველოს პარლამენტის შენობის ეზოში, 1998 წელს კი რეზიდენციისკენ მიმავალ გზაზე.

Видео ედუარდ შევარდნაძეს კვირას დაკრძალავენ канала პირველი არხი Georgian Public Broadcaster