"Анамның жаққан ошағы" Орын:Әліби& Гүлнұр

Әні: Гүлнұр Нұрасылова
Сөзі: Мұнайдар Балмолда
Орындағандар: Әліби Бекайдар & Гүлнұр Нұрасылова
АНАМНЫҢ ЖАҚҚАН ОШАҒЫ

Өмірдің жолын өткерген,
Көктем мен күзін көп көрген.
Қыз болып қырдан гүл термей,
Тезек пен қызыл шоқ терген.
Анамды аңсап барғанда,
Сән беріп тұрған бар маңға.
Мұржалы қара ошағым,
Сәл суып оттан қалған ба?..

қ а й ы р м а с ы :

Көңілім сондай босады,
Жылуын бізге тосатын.
Қазаны оттан түспейтін,
Қызуы қайтып, өшпейтін,
Анамның жаққан ошағы.

Ақ бауырсағын пісірген,
Дәмді ғып асын түсірген.
Анамның ошағыменен
Қарызбын құшағы үшін мен.
Түтіні түзу шығатын,
Күйесі - кие жұғатын.
Анамның қазан-ошағы,
Бәрінен биік тұратын.

қ а й ы р м а с ы :

Көнелік дүние көз көрген,
Өшірмеймін деп сөз берген.
Тезегін қалап аузына,
От жағып жатты ақ жеңгем.
Айналып қана кетейін,
Қадіріңе қайтіп жетейін?!
Жеңешем асы піскенше,
Ән салып, күйім шертейін.

қ а й ы р м а с ы :

Мұнайдар Балмолда
2017 жыл.

Видео "Анамның жаққан ошағы" Орын:Әліби& Гүлнұр канала Гулнур Нурасылова