Sinxron suzish. Terma jamoamiz poytaxtimizda o‘quv-mashg‘ulot yig‘inini o‘tkazmoqda

Sinxron suzish bo‘yicha O‘zbekiston terma jamoasi aʼzolari poytaxtimizdagi “Saxovat sport servis” suzish havzasida bo‘lajak Respublika va xalqaro musobaqalarga qizg‘in hozirlik ko‘rishmoqda.

Mazkur o‘quv-mashg‘ulot yig‘ini sinxron suzish bo‘yicha ikki karra Olimpiya o‘yinlari g‘olibi, jahon chempioni, Yevropa chempionatining yetti karra g‘olibasi Yelena Azarova nazorati ostida o‘tkazilyapti.

Maʼlumki, joriy yilda ham sinxron suzish bo‘yicha mamlakatimiz terma jamoasi ko‘plab nufuzli musobaqalarda Vatanimiz sharafini himoya qilishadi.

Ushbu o‘quv-mashg‘ulot yig‘inini tashkil etishdan ko‘zlangan maqsad ham bo‘lajak yirik musobaqalarga sportchilarimizni har tomonlama puxta tayyorlashdan iboratdir. Bu uchun terma jamoamiz aʼzolariga zarur barcha shart-sharoitlar yaratilgan.

Eslatib o‘tamiz, ushbu o‘quv-mashg‘ulot yig‘ini 23 yanvarga qadar davom etadi.
Bizga ulaning⤵️
Telegram - https://t.me/aquatics_uz
Instagram - https://www.instagram.com/aquatics.uz
Facebook - https://www.facebook.com/AquaticsUz
Youtube - https://www.youtube.com/channel/UCS5qc0j0sO69jc8qgDZAPDw

#Azarova #sinxronsuzish #DinaraIbragimova

Видео Sinxron suzish. Terma jamoamiz poytaxtimizda o‘quv-mashg‘ulot yig‘inini o‘tkazmoqda канала Uzbekistan Swimming Federation