Сасық күзен vs зорман. Батыс Қазақстан

Сасық күзен немесе саскүзен/Степной, светлый немесе белый хорёк (хорь) (Mustela eversmanni) — сусарлар тұқымдасының күзендер туысына жататын жыртқыш сүтқоректі аң.
Сасық күзеннің түрі кіші сусартектестерге тән. Дене ұзындығы 51—56 см, құйрығының ұзындығы 18 см-ге дейін, дене салмағы 2 кг-ға дейін жетеді. Сасық күзен күзендердің ішінде ең ірісі. Секіру арқылы қозғалады, суда жақсы жүзеді.
Тек етпен қоректенетін аң, тамақтану рационында өсімдік тағамдары жоқ. Сасық күзен сарышұнақтарды, атжалмандарды, шақылдақтарды, тышқан тәрізді кеміргіштерді,сирек кезде құстарды, жыландар мен бақаларды, жазды күні омыртқасыздарды да аулайды.
Өзендер мен көлдердің маңында өмір сүретін сасық күзендер су тышқандарын және ондатрларды да аулайды.
Ымырт пен түнде белсенді. Жылына бір рет көбейеді. Ақпан айында шағылысып, мамыр айында 4-тен 20-ға дейін ұрпағын береді, олар өсіп жетілгенше інінде болады, сүтпен қоректендіреді.
Қазақстанда бүкіл дала аймақтарында кездеседі. Елімізде сасық күзеннің екі түрі белгілі: Петропавл (Mustela eversmanni eversmanni Lesson) және Түркістан (Mustela eversmanni talassica Ognev). Петропавл
сасық күзені Қазақстанның оңтүстік аймақтардан басқа бүкіл жерінде таралған. Түркістан сасық күзені Қазақстанның тек оңтүстік аймақтарында кездеседі, мөлшері кішілеу.

Зорман/Жёлтый суслик немесе суслик-песчаник (Spermophilus fulvus) – кеміргіштер отрядының тиін тұқымдасына жататын ірі кеміргіш.
Қазақстанда сарышұнақтардың ең ірісі. Дене ұзындығы 23—38 см. Ересек аталықтардың қыстаудан кейін салмағы 700—900 г, ал аналықтардың салмағы 600—800 г құрайды. Қыстауға дейін аталығының да, аналығының да салмақтары 1,6 кг-ға дейін жетеді. Құйрықтың ұзындығы 6,4—12 см (23—39 % дене ұзындығын құрайды). Арқасы сарғыш, жүні қалың, ұзын, жұмсақ болады.
Қазақстанда Ақтөбе, Батыс Қазақстан, Атырау, Маңғыстау, Түркістан Қызылорда, Жамбыл, Қарағанды, Алматы облыстарында мекендейді. Негізгі мекені – сазды топырақты, шөлді қоныстар, құмды төбелер мен шөлейтті жазықтар.
Зорман мекендейтін жерлерінің көпшілігінде өсімдіктердің негізгі тұтынушысы болып табылады. Ол жартылай шөлді және шөлді эфемерлармен, баданалар мен түйнектермен, жусанның тұқымдары мен өскіндерімен, астық тұқымдастармен және т.б. қоректенеді. Тамақтану рационында 30-ға дейін өсімдік түрлері кездеседі. Майдың жинақталу кезеңінде зормандар күні бойы тамақ іздеп, 200 г-ға дейін тамақ жейді. Зорман су ішпейді, жемдегі ылғалмен қанағаттанады. Жем қорын дайындамайды.

2019 жылдың мамыр айында Маңғыстау облысының мұнай кен орнындарының бірінде түсірілген.
Дереккөз: https://www.facebook.com/groups/1035538579981459/

Қазақстан сусарлары #Қазақстансусарлары, Куньи Казахстана #КуньиКазахстана, Kazakhstan animals, Kazakhstan Steppe polecat

Видео Сасық күзен vs зорман. Батыс Қазақстан канала Alpamys