Локдаун жалғаса берсе Алматы мейрамхана мен дәмханаларсыз қалуы мүмкін

Локдаун жалғаса берсе Алматы мейрамхана мен дәмханаларсыз қалуы мүмкін. Алматыдағы тамақтану орындары күн сайын шамамен 1 миллиард теңге шығынға батып жатыр екен. Кәсіпкерлер, билік локдаунды жалғастырса, онда барлық шығынымызды көтерсін деген талап қойды. Мемлекеттен субсидия сұрап отырған іскерлер әрі қарай бизнесімізді жалғастыратын ешқандай мүмкіндік қалмады деп отыр.
Пандемия басталғалы бері Алматыдағы ең үлкен асхана желісінінің бірін жаппай, әупірімдеп жұмыс істеп келе жатқан кәсіпкер Гүлбану Майғарина, соңғы бір апта бойы күніне кем дегенде 1 жарым миллион теңге шығынға батып жатқанын айтады. Ыстық тамақты жеткізумен уақытша айналыссақ та, сауда айналымы 90 пайызға түсіп кетті дейді ол. Тамақтану орындарына деген шектеу жұмсартылмаса, банкрот болатынымыз анық деп отыр.
ГҮЛБАНУ МАЙҒАРИНА, кәсіпкер:
– Бүгіндікке біз 80 пайызға персоналды қысқарттық. Ол 400 адамдай жұмыссыз. 70-80 адамдай жұмыс істеп жатыр. 12 точка жұмыс істеген бұған дейін, қазір төртеуімен жұмыс істеп жатырмыз, тек доставкамен. Арендаларымыз, коммуналдық шығындарды, айлықты 21-нен бастап қанша күн отырдық жауып беру керек бізге.
Мемлекеттен субсидия сұрап отырған алматылық кәсіпкерлерге бір күнде тұп-тура 900 миллион теңге қаражат қажет екен. Қазақстандағы қоғамдық тамақтандыру қауымдастығы шығынды ең төменгі тарифпен есептеп үкіметке жолдапты. Еңбекақыдан бастап, ғимаратты жалға алу мен жұмыс істемесек те төлеп отырған салықты және коммуналдық төлемді тізіп шығуымызға тура келді дейді.
Бекшиннің соңғы қаулысынан кейін, қаржылық қысылтаяңның кесірінен Алматыда 500 дәмхана жабылыпты. Енді күшейтілген карантин режимі мегаполисте тағы бір аптаға ұзартылса, қазір жұмыс істеп тұрған 4 жарым мың тамақтану орнының 10 пайызы жұмысын тоқтатады дейді мамандар. Ал республика бойынша былтырдан бері 57 мың дәмхана- мейрамхана мен асхана жабылып, 900 мың адам жұмыссыз қалыпты.
.
.
.
.
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

#локдаун #Алматы #кәсіпкерлер

Видео Локдаун жалғаса берсе Алматы мейрамхана мен дәмханаларсыз қалуы мүмкін канала Информбюро 31