Бірі қаза тауып, бірі мүгедек болып қалған: туыстары әділдік сұрайды

Алматы облысындағы жол апатынан көз жұмған Қанат Ахметов пен мүгедек болып қалған Закир Әлиевтің туыстары әділдік сұрайды. Жәбірленушілер жігіттерді қағып бір сәтте бірін өлтіріп, екіншісін сал қылған жүргізушіні сот небәрі 2 жарым жылға соттады дейді. Қара жамылған әулет жаза тым жеңіл деп санайды. Сол себепті олар үкімді қайта қарауды талап етеді.
- Балапаным, жұмысқа кетіп едің, өлігің әкеліп тастады ғой. 4-ке бөліп тастаған баламды.
Қолғанаты жалғыз ұлы Қанатынан айырылған анасы Нұржамал Ахметова 6 айдан бері әр күнін жоқтаумен өткізеді. Ал өткен аптада үкімді естігелі бойдан қуат кетіп, еңсені көтере алмастай хәлге жеттім дейді. Үйдің жалғыз асыраушысынан айырылған зейнеткер ұлының өлімі жөнді тергелмегенін айтады. Ал сотта іске енжар қарап марқұмды көлікпен қаққан адам тым жеңіл жаза алды деп налиды.
НҰРЖАМАЛ АХМЕТОВА, марқұм Қанат Ахметовтің анасы:
- Бүкіл іш құрылысын езіп тастаған. Бауырдан бауыр жоқ, түк жоқ. Әшейін орап-орап берді маған сүйегін болды. Қатаң жазасын алсын, жазаласын! Моральдық және материалдық ущерб төлеп берсін.
Алматы облысындағы Құлжа тас жолының бойында, Қарабұлақ аулының маңында көлік астында қалған 39 жастағы Қанат Ахметовтың артында 10 және 2 жастағы қыздары және мүмкіндігі шектеулі анасы қалды. Марқұмды соққан көлік одан бөлек тағы бір адамды қағып өткен. Оның да жағдайы қиын. Туыстарының айтуынша, жапа шеккен 29 жастағы Зокир Әлиев көптеген ауыр жарақаттан кейін өздігімен жүре алмай қалған.
ОРАЗАЙ НҰРТАЙҰЛЫ, тілші:
- Бірі қаза, бірі сал болған екі жігіт оқиға түні дәл осы Құлжа тас жолының қарсы бетіне шығып, үйлеріне қайтпақ болады. Жол ережесіне сай жаяу жүргінші жолағымен өткен. Бірақ ортасына жеткен сәтте оларды жоғары жылдамдықпен көлік қағады.
Оқиғаның сәті бейнекамераға да түскен. Жәбірленуші тараптың сөзіне сенсек, көлік қаққан соң 2 адамды 98 метрге дейін сүйреп кеткен. Ал оларды сағатына 130-150 шақырым жылдамдықпен ұрған. Оқиғадан кейін жүргізушіні полиция бірден ұстаған, тиісті қылмыстық іс те қозғады дейді. Айтуларынша, тергеушілер кінәлі азаматты видеоға қарап-ақ ауыр жазалауға болады деп сендіріпті. Сол себепті де жәбірленушілер адвокат жалдамағанын айтады.
ТОКИР ӘЛИЕВ, жәбірленуші зокир әлиевтің бауыры:
- Прокурорлар бұл қылмыстық іске еш дайын емес. Үш сот отырысында да дайындалмаған. Іске қатысатынын да білмеген. Олар тек қана ұялы телефон арқылы танысып отырды. Иә, мен осы іске қатысады екенмін ғой деп айтты.
Істі қараған Талғар ауданы соты 21 жастағы жүргізушіні Қылмыстық Кодекстің 345-бабының 3 бөлігі бойынша кінәлі деп танып, 2 жыл 6 айға түрме жазасын берген. Яғни, көлікті пайдалану қағидаларын бұзып абайсызда адам өліміне әкеп соққан іс-әрекет ретінде қаралған. Сотталушыдан марқұмның отбасына 9 миллион, ал жарақат алған жәбірленушіге 6 миллион теңге өндіріп алынуы тиіс. Алайда жапа шеккен тарап жазамен де, өтемақымен де келіспейді.
#Информбюро #31арна #БастыЖаңалықтар #Новости #31канал

Видео Бірі қаза тауып, бірі мүгедек болып қалған: туыстары әділдік сұрайды канала Информбюро 31