Xəzər Süleymanlı-İÇİNDƏN YIXILIR ADAM ( Ramiz Rövşənin şeiri)

şeir: Ramiz Rövşən
ifa: Xəzər Süleymanlı

Təkcə gücsüzlüyündən
yıxılmır, atam balası,
Arabir gücündən yıxılır adam.
Başını dik tutub gəzdiyi yerdə
içindən yıxılır adam.
İllər boyu neçə dərdə
dözüb dayanır,
Qəfil sevincindən yıxılır adam.
Dünya qaçır ayağının altından -
yıxılmır,
Bu dünyanın ən dəlisov atından
yıxılmır,
Amma bir kəpənəyin qanadından,
bir otun ucundan yıxılır adam.
Gülmə hər yıxılana,
atam balası, gülmə, -
Elə bilmə
bu dünyada təkcə gücsüzlüyündən
ya da ki, acından yıxılır adam…

#xezersuleymanli #ramizrovsen #xəzərsüleymanli

Видео Xəzər Süleymanlı-İÇİNDƏN YIXILIR ADAM ( Ramiz Rövşənin şeiri) канала Xəzər Süleymanlı