សេដ្ឋីកសិកម្មស្រុកស្ទឹងត្រង់ ម្ចាស់ចម្ការកៅស៊ូបឹងកេត នឹងបើករោងចក្រថ្មីមួយទៀត

ក្រៅពីរោងចក្រផលិតជីសរីរាង្គ រោងចក្រផលិតកេសក្រដាស រួមទាំងរោងចក្រកែច្នៃជ័រកៅស៊ូជាដើម ដែលបានបង្កើតការងារដល់ពលរដ្ឋរាប់ពាន់កន្លែង សេដ្ឋីកសិកម្មនៅស្រុកស្ទឹងត្រង់ អ្នកឧកញ៉ា ហេង ឡុង ប្រកាសនឹងបង្កើតរោងចក្រផលិតស្រោមដៃថែមទៀត ដោយប្រើប្រាស់វត្ថុធាតុដើមក្នុងស្រុក ដើម្បីបង្កើនតម្លៃសេដ្ឋកិច្ចក៏ដូចជាបង្កើតការងារបន្ថែមដល់ពលរដ្ឋក្នុងមូលដ្ឋាន។

អ្នកឧកញ៉ា ហេង ឡុង ប្រធានអគ្គនាយកក្រុមហ៊ុនចម្ការកៅស៊ូបឹងកេតនៅស្រុកស្ទឹងត្រង់ខេត្តកំពង់ចាមបានថ្លែងថា បច្ចុប្បន្នក្រុមហ៊ុនមានកម្មករប្រមាណ ៦ ពាន់ នាក់កំពុងបម្រើការងារតាមខ្សែសង្វាក់រោងចក្រ រួមទាំងកម្លាំងពលកម្មបម្រើការងារនៅចម្ការចេក និងទុរេនរាប់ពាន់ហិកតា។

អ្នកឧកញ៉ា ហេង ឡុង បានបញ្ជាក់ថា ដោយសារមើលឃើញសក្ដានុពលនៃផលកសិកម្មក្នុងស្រុក ក្រុមហ៊ុនគ្រោងបង្កើតរោងចក្រផលិតស្រោមដៃថែមទៀត ដែលអាចបង្កើតការងាររាប់រយកន្លែងដល់ពលរដ្ឋក្នុងមូលដ្ឋាន។

#agriculture #cambodia

Follow Kampuchea Thmey TV for more:

Facebook: https://www.facebook.com/kptdaily
Telegram: https://t.me/kampucheathmeytv
Tiktok: https://www.tiktok.com/@kampuchea_thmey_daily

Видео សេដ្ឋីកសិកម្មស្រុកស្ទឹងត្រង់ ម្ចាស់ចម្ការកៅស៊ូបឹងកេត នឹងបើករោងចក្រថ្មីមួយទៀត канала Kampuchea Thmey TV