Кыһыҥҥы ырыа

Кыһыҥҥы ырыа. Бүөтүр Тобуруокап хоһооно (1942 с.), Аркадий Алексеев мелодията.

*****
Этимэ ый үөһэ устарын,
Этимэ сулустар хастарын,
Эт миэхэ сүрэҕиҥ кистэлин,
Эдэркээн саастарыҥ тапталын.

Оччоҕо мин кистээн сэрэнэн
Хардатын сүрэхпин аһыаҕым:
Эйэҕэс бэйэҕэр эрэнэн,
Эйигин «Күнүм» диэн ааттыаҕым.

Эн, баҕар, күлүөҕүҥ, туох буолуой.
Ону да мин үөрэ истиэҕим,
Таптыыбын диэбэтэр даҕаны,
Кыыһырбат эбит дии саныаҕым.

Ахсынньы ыйдаҥа түүнүгэр,
Атааран, оргууйдук хаамсыаҕым.
Хаастарым даҕаны кырыардар
Тиритэн уолукпун аһыаҕым.

Видео Кыһыҥҥы ырыа канала Ырыа ыллыга