Jannatda menga joy bormi | juda tasirli sher

Jannatda menga joy bormi juda tasirli sher

#simpleuz #tasirlisher #ramazonkeldi

Гунох учун тўланса маош
Мендан ўзиб кетган бой борму?
Сўраяпман икки кўзим ёш
Жаннатингда менга жой борму?

Гох нафсимнинг қаролидирман
Дооод хирсимнинг қуролидирман
Гунохкорлар к,иролидирман
Жаннатингда менга жой борму?

Кўп хилоф иш айладим динга
Оёқ қўйгач она заминга
Ошиқмасман жаханнамингга
Жаннатингда менга жой борму?

Дединг Ё Раб фақат халол енг
Гунохларим лек минг қопга тенг
Аммо санинг химматингдир кенг
Жаннатингда менга жой борму?

Зурриёдим уриб сўкмишман
Завжамнинг ҳам ёшин тўкмишман
Лек бир сенга тизлар чўкмишман
Жаннатингда менга жой борму?

Номахрамни қучоқладим гоҳ
Рақибни хам пичоқладим вох
Виждон гулин пачоқладим ох
Жаннатингда менга жой борму?

Йиғлайманда юрагим тўлгач
Қўрқаманда гунохим бўлг ач
Ёнмасайдим қабримда-ўлгач
Жаннатингда менга жой борму?

Мен қанақа одамман ўзи?
Мол-дунёга тўймаган кўзи
Сенга ожиз қулингнинг сўзи
Жаннатингда менга жой борму?

Умрим бўйи мансаб талашдим
Гох илоннинг ёғин ялашдим
Жиғилдонга виждон алмашдим
Жаннатингда менга жой борму?

Тоат қилмай элликка тўлдим
Лаъинга хам кўп эрмак бўлдим
Сўрашгада хаққим йўқ билдим
Жаннатингда менга жой борму?

Мени қилдинг бадавлат-у бой
Кездим Париж, Лондон, Рим, Хитой
Аммо бугун ўйласам хол вой
Жаннатингда менга жой борму?

эллик йилки мен аблах одам
Хеч қўймабман масжидга қадам
Тушга кириб хўмраюр дадам
Жаннатингда менга жой борму?

Лаъин мени суймаганмикан?
Бадбахтлигим туймаганмикан?
Охиратим куймаганмикан?
Жаннатингда менга жой борму?

Савоб номли гулга зор чўлман
Кўз ёшидан юзлари хўлман
Кўзлари кеч очилган гўлман
Жаннатингда менга жой борму?

Тамоғимдан халол сув ютсам
Асрдан сўнг шомни зор кутсам
Намоз ўқиб рўзамни тутсам
Жаннатингда менга жой борму?

Дўст бўлмасам турфа суллохга
Дуруд айтсам Расулуллохга
Амал қилсам Каломуллохга
Жаннатингда менга жой борму?

Мен дунёда мусофир мехмон
Рахминг келсин менга ё Рахмон
Бор мол-дунём айласам эхсон
Жаннатингда менга жой борму?

Кибр деган чопонни ечсам
Риё номли либосдан кечсам
Йиғлаб тавба шаробин ичсам
Жаннатингда менга жой борму?

Ўн йил эмас, юз йилмас фак,ат
Ё бир минг бир, юз йилмас фақат
Хеч бўлмаса абад-ул абад
Жаннатингда менга жой борму?

Видео Jannatda menga joy bormi | juda tasirli sher канала Simple Uz