Torpaqlarlarımızı satıblar, susuzluq da bir yandan....

Zirə kəndi ərazisinə görə vaxtı ilə Bakının ən böyük kəndlərindən olub. Kənd Xəzər rayonunun tərkibinə veriləndən sonra böyük örüş əraziləri Abşeron rayonunun tərkibində qalıb. Bu səbəbdən kəndin torpaqları iki rayon rəhbərliyi tərəfindən sağına soluna kimə gəldi paylanıb, təkcə zirəlilərdən başqa ... Kənd sakinləri iddia edir ki, hazırda həyətyanı torpaq sahəsi tapmaq müşkülə düşüb. Buna görə öz övladlarını evləndirib, ailə sahibi edə bilmirlər.
Təkcə dərd bununla bitmir. Kəndin ən böyük problemi su ilə bağlıdır. 15 minə yaxın əhalisi olan qəsəbənin 70 faizə yaxını su qıtlığından əziyyət çəkir. Vaxtı ilə ilk şirin su quyuları qazılan kənd indi içməli suya həsrət qalıb. Yeni xətlər çəkilmək bir yana, köhnə quyuları da məhv ediblər. Kənd sakinlərinin yerli icra və bələdiyyə orqanalrına , "Azərsu"ya etdikləri müraciətlər isə cavabsız qalıb.
Qəsəbədə saysız hesabsız istixanalar salındıqdan sonra yaradılan qum təpəcikləri kənd sakinləri üçün daha bir bəlaya çevrilib. Azca külək olanda həmin təpəciklərdən sovrulan qum dənələri əsl fırtına yaradır.
Zirə qəsəbəsinin sakinləri bu və digər problemlərinin həlli üçün prezidentə və vitse-prezidentə müraciət ünvanlayıb.

Видео Torpaqlarlarımızı satıblar, susuzluq da bir yandan.... канала Azadliq qezeti