Балабақшада жарты саусағынан айырылған балаға тек 15 жасында ота жасалады

Павлодардағы балабақшада жарты саусағынан айырылған балаға тек 15 жасында ота жасалады. Оған дейін жыл сайын Мәскеуге барып, протез салып отыру қажет. Кішкентай Альянаның қолы бөбекжайда есікке қысылып қалған болатын. Бүлдіршіннің анасы сап-сау баламның осындай күйге жетуі бөбекжай қызметкерлерінің салғырттығынан болып отыр дейді. Ата-ана тұңғышымның еміне кететін шығынды кінәлілер толық өтеп берсін деген талап қойды.
Бір апта бұрын екі жасар Альяна әдеттегідей таңертең балабақшаға барған. Жазатайым оқиға екі сағаттан соң 11-лер шамасында болыпты. Анасының айтуынша, таңғы серуеннен кейін қызының қолы есікке қысылып қалып, шұғыл ауруханаға жеткізілген. Дәрігерлер жарақат алған кішкентай бүлдіршіннің бір саусағының жартысына ампутация жасауға мәжбүр болыпты.
АЙНҰР МҰХТАРОВА, Альянаның анасы:
– Балабақшаға сау баламды апардым. Қазір ол шок алып қалған. Ауруханада қызымның саусағын тігіп бергенімен ол жазылмады, керісінше қарайып кетті. Содан ампутация жасап, жартысынан көбін алып тастады. Өзінің саусағынан қорқады, көрсе жылайды. Балабақшада есікті ұстауға әдетте күзетшілер көмектеседі екен. Дәл сол күні есікті таспен бекітіп қоюға болатын еді.
Қызым әбден шошып қалды деген келіншек болған жайтқа өз ісіне салғырт қараған бөбекжайдың қызметкерлерін кінәлайды. Себебі, бала күтуші бүлдіршіндер ішке кіріп жатқан кезде есікті ұстап тұрған екен. Сосын асыр салып ойнаған балаларды тыныштандыру үшін есікті жібере салыпты. Сол уақытта оқыс оқиға болды дейді мектепке дейінгі білім беру мекемесінің меңгерушісі.
ГАЛИНА ЛЕБЕДЕВА, №3 балабақша директорының міндетін атқарушы:
– Тәрбиешінің көмекшісі есікті жібере салған. Сол кезде тәрбиешінің өзі есікті ұстап үлгермеді. Екі жастағы қыз балабақшаға кірген, бірақ өкінішке қарай саусағы есіктің ортасында қалып қойған. Полиция сараптама тағайындап, тергеу жүргізіп жатыр. Соның нәтижесін күтеміз.
Осы жайтқа жол берген балабақша басшысы, тәрбиеші мен оның көмекшісі қатаң сөгіс алыпты. Бірақ Айнұр Мұхтарова бұл жаза тым жеңіл деп отыр. Ол кінәлілер тұңғышымның ем-домына кететін шығынды толықтай көтеріп алсын деген талап қойды. Себебі, 2 жасар Альянаға протез қойып, оны жыл сайын ауыстыру керек. Сондай-ақ, 15 жасқа толғанда саусақты өсіруге арналған ота жасату қажет екен.
Бізді әлеуметтік желіде оқыңыздар:
Информбюро 31 https://www.youtube.com/@informburo31kanal
Informburo kz https://www.youtube.com/@informburokz2022
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
Біздің сайт: www.31.kz және www.informburo.kz
Біздің WhatsApp +7 777 331 31 31
#News #Kazakhstan #Жаңалықтар #Біздіңжаңалықтар #Нашиновости #Сегодня #Қазақстан #31канал

Видео Балабақшада жарты саусағынан айырылған балаға тек 15 жасында ота жасалады канала Информбюро 31