ԻՐԱՆԸ ՄԵԾ ՎՏԱՆԳԻ ԵԶՐԻՆ Է․ Թեհրանն այլընտրանք չունի․ Արցախյան պատերազմը փոխեց ամեն ինչ

Պայմանավորված որոշակի պատմական հանգամանքներով, որոնցից մեկն էլ հենց իսլամի համար կարևոր նշանակություն ունեցող՝ 1978-1979 թվականների հեղափոխությունն էր, Իրանը ձգտում էր ազդեցություն ունենալ հիմնականում շիաների մեծամասնություն ունեցող երկրներում: Եվ քանի որ Խորհրդային միությունը Խամեյնիի և նրա հաջորդների համար «շեյթաներից» մեկն էր, նորաստեղծ Ադրբեջանի Հանրապետությունը դարձել է իրանական էքսպանսիայի (կապիտալիստական տերության կամ մոնոպոլիստական խմբավորման ազդեցության ոլորտի ընդարձակում՝ ծավալում տնտեսական-քաղաքական կամ այլ միջոցներով, նոր տարածությունների տիրանալու քաղաքականություն-Tert.am) ակնհայտ թիրախներից մեկը: Հենց այստեղից էլ ծագում են հիմնական խնդիրները:
Հոդվածում մանրամասնվում է նաև, թե որն է այդ խնդիրների էությունը: Մասնավորապես, ըստ հոդվածագրի, ժամանակակից Ադրբեջանի Հանրապետությունը ժառանգել է Ադրբեջանի ժողովրդավարական հանրապետության և «Մուսավաթ» կուսակցության ավանդույթները: Մուսավաթական գաղափարներին ապավինած մուսավաթականները վատ հարաբերությունների մեջ էին շիա հոգևորականության հետ, որոնք չէին կիսում իրենց աշխարհիկ հայացքները հասարակության և պանթյուրքիզմի վերաբերյալ, որը ենթադրում էր դաշինք Օսմանյան կայսրության հետ: Ժամանակակից Ադրբեջանը սկզբում դարձել էր Թուրքիայի դաշնակիցը: Ավելին, նախկին պանթյուրքիստ նախագահ Աբուլֆազ Էլչիբեյը իրանական Ադրբեջանը ներառել էր Մեծ Ադրբեջան ստեղծելու նախագծում: Այդպիսով, գաղափարական տեսանկյունից Բաքուն ցույց էր տվել իր լրիվ հակադրությունը Թեհրանին: Բացի այդ, Ադրբեջանի նախկին նախագահ Հեյդար Ալիևը ներդրեց «Մեկ ազգ-երկու պետություն» դոկտրինը:

Նյութի աղբյուր՝ tert.am

#lurer #iranhayastan #alieverdoxan #turkmenner

Видео ԻՐԱՆԸ ՄԵԾ ՎՏԱՆԳԻ ԵԶՐԻՆ Է․ Թեհրանն այլընտրանք չունի․ Արցախյան պատերազմը փոխեց ամեն ինչ канала Banber News