MeyArt: 19 yaşında əsir düşən Natiqin hekayəsi

"Nizami" Kino Mərkəzində Xocalı faciəsi zamanı əsir düşən 19 yaşlı Natiq Qasımov haqqında sənədli film yayımlanıb.
30 ildir oğlundan heç bir xəbər almayan anası Natiqin film araşdırmaları nəticəsində tapılan son fotolarına baxır.
Natiq Qasımov Xocalıda yaşananları televiziyadan görüb ailəsindən gizli döyüşmək üçün Qarabağa yollanır. Ağdamda kilsəni qoruyan Natiq 22 nəfər Xocalı əsirinin həyatını xilas etmək üçün ermənilərə təslim olur.
Rusiyanın Ukraynaya hücumu ona sanksiyalarla geri qayıdıb. Bu qadağalar mədəniyyət sahəsindən də yan keçməyib.
"Netflix" şirkəti orijinal Rusiya film layihələri üzərində işləməyi dayandırıb. Rusiyanın TASS xəbər agentliyi bildirir ki, şirkət “Anna K”, “Xüsusi heç nə”, “Ancaq” kimi film və serialları həmçinin Alexander Petrov ilə olacaq layihəni tamamilə dondurub. Amerikanın "The Walt Disney Company" şirkəti Rusiyada öz filmlərinin nümayişini dayandırıb. Dünyanın ən böyük film və teleserialların istehsal ilə məşğul "Warner Bros." şirkəti də martın 2-də Rusiyada keçirilməsi planlaşdırılan “Betmen” filminin premyerasını “Ukraynadakı humanitar böhrana görə” təxirə salıb. Həmçinin Kino Sahibləri Assosiasiyası bildirib ki, sanksiyalara görə, kinoteatrlar planlaşdırılan gəlirlərinin 80%-ni itirə bilər.
Bakıda Müstəqil Teatrlar Festivalı keçirilir. Rəşid Behbudov adına Dövlət Mahnı Teatrında açılışı baş tutan festivalda 11 tamaşa göstəriləcək, həmçinin panel müzakirələr keçiriləcək. Mədəniyyət Nazirliyinin dəstəyi ilə keçirilən festival 7 marta kimi davam edəcək.

Kanala abunə ol - https://goo.gl/TcM9Fm
Bizə maddi dəstək ol https://cutt.ly/destek

WebSite: http://www.meydan.tv
Facebook: http://fb.com/MeydanTelevision
Twitter: http://twitter.com/MeydanTV
Google+ https://plus.google.com/+MeydanTelevision/posts
İnstagram: http://instagram.com/meydantv
__________________________________________________________________
Xəbərdən çox xəbər var. Çəkin göndərin yayımlayaq - Whatsapp : +4915777662277

Видео MeyArt: 19 yaşında əsir düşən Natiqin hekayəsi канала Meydan TV