Prezident necə mühafizə olunur?

Bildiyimiz kimi, planetimizdə ən çox qorunan insanlar dövlət başçılarıdır. Çünki, onların üzərində bir dövləti idarə etmək kimi böyük məsuliyyət var. Beləcə, onların çox güclü müdafiəyə ehtiyacları olur. Bu gün sizə dövlət başçılarının mühafizəsi haqda danışacağam.

1. Kim Çen İn. Şimali Koreyanın dövlət başçısı Cənubi Koreyaya səfəri zamanı zirehli mersedeslər kortecində irəliləyirdi. Onun limuzinin ətrafında 12 mühafizəçi qaçırdı. Onlar dövlət başçısını canlı sədd kimi qoruyurdu. Bu, bir qədər qəribə və baməzə təsir bağışlayırdı. Əsasən, dövlət başçılarının kortecləri motosikletçilər dəstəsi ilə əhatə olunur. Bəzi hallarda isə, prezidentlərin maşın karvanı müşaiyətsiz hərəkət edir. Avtomobil onsuz da zirehlidir. Amma, Kim Çen İn ilə vəziyyət fərqlidir. O, öz həyatı ilə bağlı çox əndişəlidir. Kim Çen İn daha çox insanın onun mühafizəsi ilə məşğul olmasını istəyir. Təsadüfi deyil ki, onun şəxsi mühafizə dəstəsinin heyəti 15 mindən çoxdur. Bundan əlavə, onun 130 min nəfərlik şəxsi mühafizə qvardiyası da var. Qvardiya nəinki prezidenti, bütün Pxenyanı qoruyur. Bu, əsl ordudur! Nəzərə alsaq ki, Kim Çen İnin atasına və babasına dəfələrlə sui-qəsd cəhdləri olub, onun bu narahatlığını anlamaq olar.

2. Şinzo Abe. Yaponiyanın ən gənc baş naziri olan Şinzo Abe konstitutsiyaya görə ölkənin rəhbəridir. O, yeni zirehli avtomobillərin uzun korteci ilə səfərə çıxır. Baş nazir hərəkətli yolla hərəkət edərkən mühafizəçilər avtomobillərin aynasından çıxır, yoldan keçən digər avtomobillərdən ona yol verilməsini xahiş edirlər. Bayaqkı avtomobillərin yanında qaçan mühafizəçiləri unutmadınız ki? Bu qəribə ənənənə Yaponiyada da mövcuddur. Amma, yaponları başa düşmək daha asandır. Dar küçələrə baş nazirin avtomobili və bir neçə motosiklet sığa bilməz.

3. II Yelizaveta. Baxmayaraq ki, II Yelizaveta dövlət idarəçiliyində önəmli yer tutmur, lakin onun mühafizəsinə hər il külli miqdarda vəsait xərclənir. Bu təsadüfi deyil! Çünki, II Yelizavetanın həyatına çox tez-tez sui-qəsdlər olur. . Məsələn, 2011-ci ildə 2 britaniyalı gənc kraliçanın avtomobilinə çiy yumurta atıb. Xoşbəxtlikdən heç kim xəsarət almayıb. Bukingam sarayında II Yelizavetanı krallığın şəxsi qvardiyası qoruyur. Amma, saraydan çıxanda kraliçanı şəxsi mühafizəçilər və polis korteci müşaiyət edir

4. Alfa Konde. 2010-cu ildən o, Qvineyanın prezidentidir. 2011-ci ildəki sui-qəsdə baxmayaraq, o, zirehli maşında gizlənmək fikrində deyil. Budur, o, maşında ayaqüstə durub və vətəndaşları salamlayır. Sanki, heç nə vecinə deyil. Hökumət başçısının bu cür xalqa açıqlığını kortecin önündə gedən motosikletçilər, hər an döyüşə hazır vəziyyətdə olan mühafizəçilər və bir neçə hərbi maşınla irəliləyən əsgərlər korlayır. Bir baxın, onların sayı nə qədərdir!
5. Donald Tramp. Deyirlər ki, Tramp hələ prezident seçilməmişdən qabaq, adi milyorder olanda özünün şəxsi mühafizə dəstəsinə təhlükəsizlik xidmətinin keçmiş üzvlərini, dəniz piyadalarını cəlb edirdi. Təsadüfi deyil ki, andiçmə mərasimi zamanı prezident kortecini mühafizəçilərin böyük dəstəsi müşaiyət edirdi. CNN-in məlumatına görə, hakimiyyətə gələnə qədər Trampın və ailəsinin mühafizəsi Nyu-York şəhərinin bələdiyyəsinə günə 1 milyon dollara başa gəlib. Bu cür pul olandan sonra, kortecin uzunluğu və şəxsi mühafizəçilərin sayı barədə düşünməmək də olar. Təhlükəsizlik xidmətləri Donald Trampı “maqnat”, xanımını isə “muza” adlandırır.

6. Vladimir Putin. Prezidentin qorunması üçün federal təhlükəsizlik xidməti cavabdehdir. Dəqiq olmayan məlumatına görə, federal təhlükəsizlik xidmətinin şəxsi heyətinin sayı 50 min nəfərdən çoxdur. Onlar, nəinki, prezidenti müşaiyət edirlər, həmçinin, dövlət başçısının hərəkət xətti boyunca küçələrin təhlükəsizliyinə çalışırlar. Bu günə kimi onlar bir neçə sui-qəsd cəhdinin qarşısını ala biliblər.

7. Si Tsinpin. Çinin rəhbəri Si Tsinpinin mühafizə xidmətinin şəxsi heyəti 8 min nəfərdir. Hər bir mühafizəçinin üzərində 3 tapança, 2 bıçaq, 1 tüstü balonu olmalıdır. Eyni zamanda, onlar olduqca nizam-intizama riayət etməli, silahla mükəmməl davranmağı bacarmalı və ən azı 6 il siyasi partiyada iş təcrübəsinə malik olmalıdır. Siz hərəkət edərkən qapısı açıq maşınları gördünüzmü? Onlar hər an döyüşə hazır olan mühafizəçilərdir.

8. Alassan Uattara. 2011-ci ildən Fil dişi sahilinin prezidenti olan Uattaranın mühafizəsinin sayına bir baxın! Bütün prezidentlərdə olduğu kimi, onun da kortecində motosikletdəki polislər və zirehli maşınlar mövcuddur. Amma, burda fərqli bir məqam var. Avtomobilin ayaq yerlərində duran agentləri görürsünüzmü? Məhz onlar prezidentin təhlükəsizliyinə cavabdehdir.

Видео Prezident necə mühafizə olunur? канала Demədi Demə