TƏBAŞİR YEYƏN İNSANLAR - PİKA xəstəliyi

Tabaşir yeyilməsi kalsium çatışmazlığından irəli gəlir. Kalsium süd məhsullarında, yumurtanın sarısında daha çoxdur. Bu anormallığı eyni zamanda müxtəlif həblərlə də müalicə etmək olar. Əgər xəstəlikdən əziyyət çəkən uşaqdırsa, onunla mütləq psixoloji söhbətlər də aparılmalıdır. pika xəstəliyini müəyyən edən konkret yoxlanma üsulu yoxdur. Lakin pika xəstəliyinin qidalanması normal səviyyədən aşağı olan və ya düzgün qidalanmayan insanlarda yarandığını nəzərə alaraq qanda dəmir və sinkin miqdarını aşkarlayan testlərin aparılması zəruridir. Həmçinin hemoqlobinin yoxlanması da vacibdir. Torpaq və həşəratları yeyənlərdə isə infeksiya təhliləri aparılmalıdır. Uşaqlarda olan pika xəstəliyi zamanı gündəlik valideynlər hökmən nəzarət etməlidir. İdarə olunmayan iştah uşaqların ölümünə də səbəb ola bilər. Buna görə də müayinə və müalicə olunmalıdır. Valideynlər çəkinməsinlər ki, Azərbaycanda belə xəstəlik müalicə olmur. Əksinə, müalicəsi var və edilir. Yetər ki, valideyn bu xəstəliyin uşaq marağı olduğunu qəbul etməsin və ətrafdan utanmasın.
Tibdə bu xəstəlik pika xəstəliyi adlanır. Nadir xəstəliklərdən sayılan bu xəstəliyi insanlar qəbul etmir, çünki xəstəlik faktoru kimi ortaya bir nəticə çıxmır. İnsan özünü piss hiss etmir, xəstəlik simptomlartını müşahidə etmir, bədəndə hər şey normal olduqda xəstəyə bu diaqnozu başa salmaq da olduqca çətin olur. Pika xəstəliyi dünyada aşkar edilmiş 10 qəribə xəstəliklər sırasında ilk pillələrdədir və olduqca geniş yayılan psixoloji pozuntudur. Bu xəstəliyə tutulmuş insana isə "yemək olmaz" ifadəsi sanki çatmır. Onlar daşdan yumşaq hər şeyə, hətta daşa belə iştah salırlar: "Tez-tez əllərini yuyan, spirtləyən, hətta heç bir iş görməsə belə əlini yumaq ehtiyacı hiss edən insanlar obssesiv-kompulsiv pozuntudan əziyyət çəkənlərdir. Amma bunu o xəstələrə izah edə bilmirik, çünki onlar özlərində bunu problem etmirlər. pika xəstəliyi də belədir. İnsan əhəngə maraq göstərir, onu yeməsə, sakitləşmir və ona elə gəlir ki, bu, təbiidir. Halbuki, bu, qətiyyən təbii proses deyil. Hamilələr arasında geniş yayılan bu cür iştah bəzən digər insanlar arasında da təbii qəbul olunur. İstəyir, verin yesinlər kimi cavablar eşidirik. Birmənalı olaraq deyirəm ki, bu cür iştah qadın hamilə olsa belə düzgün deyil. Alimlər bu xəstəliyin mineral çatışmazlığından irəli gəldiyini artıq yəqinləşdiriblər. Yeyilməsi mümkün olmayan maddələrlə qidalanmaq qanda hansısa maddələrin çatışmazlığından əmələ gəlir. Belə xəstələr ambulator müayinədən keçərək, qan analizi verməli və dəqiq müayinə olunmalıdırlar. Bundan sonra müalicəyə başlamaq olar.
Xəstəliyin yaranma səbəbi psixi pozuntudur. Yəni bu xəstəlik irsi olaraq anadan övladlarına keçməz və yoluxucu olmaz. Xüsusən valideynlər övladlarında təbaşirə, buza, yumurta qabığına, kağıza olan maraqı hiss edirlərsə, həkimə müraciət etməlidirlər. Çünki bu cür maraq onu göstərir ki, uşağın bədənində mikroelementlərə ehtiyac var və onlar normal qida ilə əvəzlənməlidir. Əvəzlənilmədiyi halda uşaq sabunun, təbaşirin yeyilməli olmadığını bir növ görməzlikdən gəlir və yeyərək sakitləşir. Bu cür maraq uşaqların zəhərlənməsinə, hətta ölümcül hala düşmələrinə səbəb ola bilər.

Видео TƏBAŞİR YEYƏN İNSANLAR - PİKA xəstəliyi канала rahat lukum