Yekun Xəbərlər 10.10.2020 (Təcili Xəbər) Cəbhədən VACİB XƏBƏR! - Son Dəqiqə !!

Azərbaycan Ordusunun uğurlu əks-hücumu əməliyyatından təşvişə düşərək danışıqlar üçün yalvaran Ermənistanın siyasi rəhbərliyi masaya oturmamış xislətinə uyğun olaraq destruktiv mövqe sərgiləyir. 

Yenisabah.az xəbər verir ki, bu, Ermənistanın Xarici İşlər naziri Zöhrab Mnasakanyanın “Moskva danışıqları”dan sonra ölkəsinin İctimai Televiziyasına verdiyi açıqlamalardan aydın görünür. Mnasakayan açıqlamasında yenə də köhnə “prinsiplərindən” danışıb.
O bildirib ki, proses olduqca çətin keçir: “Bizim üçün ən vacib şərt müharibənin dayanmasına nail olmaqdır. Azərbaycanın aqressiyası hazırda kifayət qədər açıq konteksdə görünürdü. Azərbaycan Türkiyə və beynəlxalq terror təşkilatları tərəfindən ciddi dəstək alır. Qarabağa təşkil edilmiş hücum olduqca spesifikdir və bunu da həmin qüvvələr həyata keçirirlər”.
Mnasakanyan deyib ki, bölgədə vəziyyət olduqca kövrəkdir, ona görə də, atəşkəsin elan edilməsi lazımdır: “Bu region üçün olduqca mühüm çağırışdır. Xüsusi olaraq da Dağlıq Qarabağ üçün vacibdir. İndidən proqres barədə danışmaq tezdir”.
Oktyabrın 11-də Bakıda və Abşeron yarımadasında havanın dəyişkən buludlu olacağı, əsasən yağmursuz keçəcəyi gözlənilir.
Milli Hidrometeorologiya Xidmətindən Yenisabah.az-a verilən məlumata görə, mülayim cənub-şərq küləyi əsəcək. Havanın temperaturu Abşeron yarımadasında gecə 12-15, gündüz 19-23, Bakıda gecə 12-14, gündüz 19-22 dərəcə isti olacaq. Atmosfer təzyiqi normadan yüksək 770 mm civə sütunu təşkil edəcək, nisbi rütubət gecə 60-65, gündüz 40-45 faiz olacaq.
Gürcüstan-Ermənistan sərhədində Ermənistana silah daşıyan yük maşını saxlanılıb.

Yenisabah.az bildirir ki, Minval.az bu barədə etibarlı mənbələrə istinadən xəbər yayır.
Qeyd edilir ki, Gürcüstan sərhədçilərinin ayıq-sayıqlığı nəticəsində Ermənistana qanunsuz silah daşınmasının qarşısı alınıb.   
Hərbi mütəxəssislərin sözlərinə görə, fotolara və videolara əsasən demək olar ki, maşında avtomatik idarəetmə sistemi quraşdırılıb.
O, komanda məntəqələrində quraşdırıla bilər və qoşunları idarə etmək, bölmələrin hərəkətlərini əlaqələndirmək, raket qüvvələri və topçu birliklərinin atəşinə nəzarət etmək üçün istifadə edilə bilər.
Ermənistan silahlı qüvvələri sentyabrın 27-dən başlayaraq, azərbaycanlı dinc əhaliyə qarşı qadağan olunmuş hərbi sursatlardan istifadə edib. Onların arasında kaset sursatlar və ağ fosforlu mərmilər də var. Hansı ki, bu silahların mülki ərazilərə qarşı istifadə olunması beynəlxalq humanitar hüquq prinsiplərinə ziddir.
Yenisabah.az-ın məlumatına görə, bu barədə Azərbaycan Respublikası Ərazilərinin Minalardan Təmizlənməsi üzrə Milli Agentliyin (ANAMA) keçirdiyi mətbuat konfransında bildirilib.
Ermənistanın təxribatını dəf etmək üçün əks-hücuma keçən şanlı Azərbaycan Ordusu 13 günlük hərbi əməliyyatlarla düşməni diz üstə çökdürməyi bacardı. 

Yenisabah.az xatırladır ki, sentyabrın 27-də başlayan müharibə Azərbaycanın 40-a yaxın yaşayış məntəqəsinin düşməndən təmizlənməsi ilə yadda qaldı. Ermənistan ordusunun ötən 27 ildə sahib olduğu hərbi texnikanın yarısından çoxu sıradan çıxarıldı, təmas xətti yarıldı, çoxillik istehkamlar yerlə yeksan edildi, ən əsası isə status-kvo dəyişildi. Təkəbbürlü və hikkəli Paşinyan qısa müddət ərzində "sözəbaxan uşağa" çevrildi.
Düşmənin cəbhə xəttində aldığı zərbə onu danışıqlar masası arxasında oturmağa vadar etdi. İndi diqtə edən tərəf Azərbaycandır!
Rusiya, Azərbaycan və Ermənistan xarici işlər nazirlərinin Moskvadakı məsləhətləşmələrin nəticəsi olaraq əldə edilən atəşkəs razılaşması müharibənin bitdiyi kimi təqdim edilir. 

Yenisabah.az xəbər verir ki, dünəndən etibarən sosial şəbəkələrdə artıq döyüşlərin dayandığı və münaqişənin yenidən “sülh danışıqları” adı altında uzanacağı barədə iddialar səsləndirilir. Halbuki 10 oktyabr saat 12.00 üçün nəzərdə tutulan atəşkəs razılaşması döyüş meydanında qalan cəsədlərin dəyişdirilməsi məqsədi daşıyır. Yəni, bu, müvəqqəti atəşkəs hesab edilə bilər.
Azərbaycan Prezidenti İlham Əliyevin dünən xalqa müraciətində sərt ritorikadan istifadə etməsi münaqişənin yenidən sıfır nöqtəsinə qayıdacağını istisna edir. 
Ermənistan tərəfindən humanitar yardım adı altında mülki aviasiya vasitəsilə bu dövlətə aid təyyarələrlə Ermənistana silahların daşınması həyata keçirilir.

Azərbaycan Respublikasının Xarici İşlər Nazirliyinin Mətbuat xidməti idarəsindən Yenisabah.az-a verilən məlumata görə, bu məqsədlə Ermənistan hökumətinin qeydiyyatında olan təyyarələrdən və xarici ölkələrə səfər adı altında rəsmi səfərlərdən istifadə olunur.
"Həmçinin Ermənistan Fövqəladə Hallar Nazirliyinin guya Ermənistana humanitar yardım gətirməsi adı altında bu kimi silah qaçaqmalçılığı həyata keçirilir. Burada, xüsusilə raket sistemlərinin və digər silahların daşınması həyata keçirilir.

Видео Yekun Xəbərlər 10.10.2020 (Təcili Xəbər) Cəbhədən VACİB XƏBƏR! - Son Dəqiqə !! канала Qazanc Yolu