"Ортамызда..." Саят Әбенов. Оқыған: Б.Сапаров. Korkem soz. Kazakh language. Kazakhstan. Qazaqstan

Ортамызда адамдар көп айта алмайтын пікірін,
Ішсе болды, жесе болды білмейтіндер шүкірін.
Сондай жандар ақиқатты естімейді, көрмейді,
Көздері бар күндіз көрмес көздеріндей үкінің.

Ортамызда жағымпаз көп өз айласын асырған,
Дөкейлердің мойынына тоқалындай асылған.
Ойлағаны атақ, мансап, қу дүние баяғы,
Солар мынау заманымның бар қадірін қашырған.

Ортамызда сатқындар көп сатып кетер бір күні,
Бір басына қалай сыйар жамандықтың мың түрі.
Ондай жаннан аулақ болу керек екен қашанда,
Дос болам деу аянышты əрі сондай күлкілі.

Ортамызда жақсы жандар көп болсыншы тілерім,
Байқататын сөзбен іспен бойындағы жігерін.
Сонда ғана өзге тудан биік тұрар біздің ту,
Сонда ғана өзге ұлттан биік тұрар бұл елім!

Видео "Ортамызда..." Саят Әбенов. Оқыған: Б.Сапаров. Korkem soz. Kazakh language. Kazakhstan. Qazaqstan канала Bauyrzhan Saparov