Споменот за Тоше Проески

"На местото Гумење во неговото родно Крушево, вчера беше отворена спомен куќата на прерано загинатиот македонски пејач Тоше Проески.
Почитувајќи ги заложбите на нашата музичка икона, Владата на Република Македонија и Министерството за култура го изградија ова место во знак на благодарност за сето добро дело кое тој го направи, од името на сите граѓани.
Членовите на семејството на Тоше, неговите фанови од Балканот, меѓу кои најброни македонците, државниот и црковниот врв- Гумење вчера стана место кое ги сплоти сите за да го најдат мирот во местото на неговиот спомен.
Претседателот на Владата на РМ, Никола Груевски посочи дека ретки се луѓето чија животна приказна останува, но приказната на Тоше е нешто што вечно ќе трае.
-Од денес приказната за Тоше е збогатена и со неговиот Спомен-дом, објект и композиција кои во многу нешта ја изразуваат неговата личност и делата по кои беше познат. Крстот како симбол на неговата искрена верба во Бога, бетонот како симбол на едноставноста но и долговечноста, стаклото како симбол на човековата минливост и ранливост и водата како симбол на чистотата и животот со кој зрачеше овој човек. Врвно уметничко дела чија надворешност е само вовед во она што ве очекува внатре, а внатре е она без што приказната не би била цела -- таму се неговите песни, инструменти, таму е неговиот лик, таму се чувствата, таму се емоциите, таму е човекот кој во навек не задолжи сите нас и цела Македонија. Тоа е приказната за Тоше, истакна премиерот Груевски.
За министерката Елизабета Канческа Милевска, секој дел од спомен куќата на Тоше носи своја симболика која ќе остане да не потсетува на нашата музичка легенда.
- Придонесот на Тоше за македонската култура е импозантен. Тој беше голем афирматор на културата во Македонија и со отворањето на оваа куќа така ќе остане и понатаму, рече Канческа -- Милевска.
За граѓаните- неговите најголеми обожаватели, спомен куќата е вреден и значаен спомен на Тоше.
Спомен-куќата се простира на околу 870 метри квадратни во форма на крст, изградена од бетон и стакло според проектот на архитектите Дејан Секуловски и Дејан Спасеновски, во соработка со Илија Божиновски.
Во централниот дел на објектот има молитвеник и верски предмети што ги поседувал Тоше и неколку негови запишани размислувања за вербата, љубовта, семејството, пријателството. На неколку инфоточки осетливи на допир ќе можат да се добијат информации за Тоше.
По должината е изграден ѕид на кој ќе може да се оставаат пораки и впечатоци. Визурата на објектот - крстот како симбол и главен мотив - ноќе е посебно нагласена со осветлувањетои амфитеатар за собири и одмор на посетителите.

Видео Споменот за Тоше Проески канала makedonija24