Ապրում են այնպես` ինչպես աշխատում են

Ղուկասավանցի Օգսեն Գրիգորյանն իր ապրած կյանքով հակադրվում է տեսակետին, որ հողից սեփական քրտինքով հացը վաստակելը Աստծո անեծքն է մարդուն: Նա ու իր ընտանիքն այն եզակիներից են հայ գյուղում, որ երկրագործությամբ ապրում են առանց վարկեր վերցնելու: Օգսեն պապն ու իր կինը ուրախություն ու տխրություն շատ են տեսել հիսունհինգ տարվա իրենց համատեղ կյանքում: Նրանց օդաչու որդին զոհվել է ղարաբաղյան պատերազմի տարիներին: Yerevan.Today–ը գյուղատնտեսության վիճակի վերաբերյալ նյութեր պատրաստելիս չէր մտածում այս դիմանկարը ստղեծել, սակայն ուրախ ենք, որ հանդիպեցինք հողի լեզուն հասկացող, հազարավոր դժվարություններից չվհատվող ու կենսասեր այս զույգին: Նրանք շարունակում են իրենց հացը վաստակել սեփական քրտինքով, ցորենի արտ, կարտոֆիլի ու այլ բանջարեղենների ցանքատարածքներ, ջերմոցային տնտեսություն մշակելով: Դե իհարկե, մի փոքր էլ պտղատու այգի՝ միայն հյուրասիրության ու ծառի հովին նստած՝ սուրճի բաժակը ձեռքին՝ Տիրոջը գոհություն հայտնելու համար:

http://yerevan.today/

Видео Ապրում են այնպես` ինչպես աշխատում են канала Yerevan Today Live