Автокредит бераётганда банклар нимани яширишмоқда?

Банк расмий сайтида нимани яширган? Йиллик кредит фоизидан ташқари яна қандай фоизлар бор? Йиллик депозит фоизи қаердан келди?

Банк ўзининг расмий сайтида автокредит хизматини таклиф этмоқда. Унга кўра кредит муддати 4 йилни ташкил этади, йиллик кредит фоизи 20%. Бундан ташқари автомобил нархидан 30% га тенг бўлган маблағни депозит гарови сифатида киритиш талаб қилинади.

Банк мижозларга қулайлик яратиш мақсадида ойлик тўловлар графигини тайерлаган, Excel форматида.

Мазкур хужжатга мувофиқ йиллик кредит фоизидан ташқари йиллик 11 фоизлик депозит фоизи ҳам мавжудлигини кўрамиз. Ваҳоланки сайтдаги эълонда бу хақида хеч нарса дейилмаган. Бундан ташқари, хужжатнинг айрим қисмлари ҳимояланган, яъни паролланган.

Масалага ойдинлик киритиш мақсадида ушбу паролни, қўпол килиб айтганда бузишга тўғри келди. Ўйлайманки банк ходимлар биздан қаттиқ ранжишмайди.

Беркитилган худудлар очилса, аслида бир ойлик кредит фоизи 1 миллион 256 минг сўмни ташкил қилишини кўришимиз мумкин. Лекин 11% йиллик омонат фоизи ҳисобига бир ойлик тўлов 1 миллион 49 минг сўмни ташкил этади.

Яъни, депозит гарови сифатида банкга қўйилган автомашина суммасининг 30% миқдоридаги маблағ йилига 11% фоизлик даромад келтираяпти ва банк ушбу даромадни кредит фоизлари суммасидан айримоқда.

Агарда йиллик депозит фоизи мавжуд бўлмаганида кредит умумий суммаси 115 миллион сўмни ташкил этарди, депозит фоизлари билан эса 105 миллион сўмни ташкил қилмоқда ва қарийб 10 миллион сўмни тежаб қолинди.

Шунинг учун автокредит расмийлаштиришда банкдан йиллик депозит фоизи мавжуд ёки мавжуд эмаслигини аниқлаб олиш «чўнтак» га зарар қилмайди!
Dinor|uz телеграм канали: http://t.me/Dinoruz

Видео Автокредит бераётганда банклар нимани яширишмоқда? канала DinorUz