Rusiyanin ŞOK plani - Azerbaycani hedeledi: Bir nece rayon qaytarilarsa...

Rusiyanın şok planı: “Türkiyəni Cənubi Qafqazdan çıxarmaq üçün...”
“Bir neçə rayon Azərbaycana qaytarılarsa, Rusiya ilə silah sazişi imzalaya bilərik”
Sergey Şoyqunun Bakı səfəri nə vəd edir? – Kritik səfər
Bu dəfə sizə Rusiyanın şok planından danışacağıq. Rusiyanın xarici işlər naziri Sergey Lavrov Azərbaycanın xarici işlər naziri Ceyhun Bayramovla nələri danışdı? Lavrov açıq aşikar bildirib ki, Tovuz döyüşlərinin məqsədi Azərbaycanın neft və qaz xətlərinə nəzarəti ələ keçirmək olub. Görüşdən dərhal sonra Lavrov erməni həmkarına zəng edib.
Rus mediası müdafiə naziri Sergey Şoyqunun Azərbaycana səfərini çox solğun işıqlandırdı. Nazirin Azərbaycana səfərinin səbəbi kimi onun “Dəniz kuboku” oyunlarının açılışında iştirakı göstərilir. Burdan belə qənaətə gəlmək olar ki, Xəzər ətrafında “oyunlar” hələ də davam edir. Bu açıqlamanı politoloq Ərəstun Oruclu verib.
Politolqun sözlərinə görə, rus mediasında Şoyqunun səfəri həm də az qala “sülhməramlı missiya” kimi təqdim edilir:
“Bəs həqiqətdə Şoyqu Bakıya hansı missiya ilə gəlmişdi? Bu sualın cavabını nazirin özünün açıqlamalarında tapmaq olar. Amma öncə səfərdən əvvəlki bəzi olayları xatırlayaq.
Düşmən Tovuz təxribatı törətdi və bundan düz bir ay sonra Rusiya Xarici işlər naziri Sergey Lavrov bildirdi ki, münaqişəyə səbəb Ermənistanın köhnə sərhəd məntəqəsini bərpa etmək istəyi olub. Lavrov onu da dedi ki, məqsəd Azərbaycanın Tovuz ərazisindən keçən kommunikasiyalarını nəzarətə götürməkmiş. Beləliklə, üzdə Ermənistanı ittiham edən bəyanatın əsl məqsədi hədəfi göstərməklə Azərbaycanı təhdid etmək idi, çünki Ermənistanın ən azı 4 ölkəyə Azərbaycanın enerji daşıyıcılarını nəql edən kəmərlərə nəzarət istəyi ona çox baha başa gələ bilərdi. Bunu İrəvan anlamaya bilməz.
İndi qayıdaq Şoyqunun Bakıdakı bəyanatlarına. Bakıda olarkən o iddia etdi ki, Tovuz təxribatının arxasınca Rusiyadan Ermənistana daşınan 400 ton yük silah yox, Rusiya hərbi bazası üçün kərpic, qum, sement kimi tikinti materialları imiş. Eyni zamanda, Ermənistanın hərbi müttəfiqi olan Rusiyanın Azərbaycana qarşı heç vaxt heç bir addım atmadığını, Azərbaycana öz tərəfdaşı kimi baxdığını, pandemiya səbəbindən zəifləyən əlaqələri əvvəlki səviyyəyə qaytarmaqda maraqlı olduğunu bildirdi. Rusiyanın Cənubi Qafqaz bölgəsində maraqlarının olduğunu, amma bu maraqların bölgə ölkələrinə qarşı yönəlmədiyini də dilə gətirdi”.
Politoloq hesab edir ki, Şoyqunun açıqlamaları Lavrovun bəyanatının davamıdır:
“Bəli, Rusiya Cənubi Qafqazı öz təsir dairəsinə qaytarmaqda israrlıdır, bu isə o deməkdir ki, bölgədə təxribatlar və münaqişə ehtimalları artacaq. Rusiya Azərbaycan-Türkiyə hərbi əməkdaşlığını öz maraqlarına təhdid kimi görür. Deməli, Türkiyəni Azərbaycandan çıxarmaq üçün bütün vasitələrə əl atacaq. Bu, həm də Rusiya qazından imtina edərək, Azərbaycandan qaz idxal edən Türkiyəni yenidən qaz almağa məcbur etmək üçün zəruridir.
Nəhayət, müxtəlif bölgələrdə Türkiyənin təpkisi ilə üzləşən Rusiyaya Qafqazda uğur lazımdır. Əks halda onun Yaxın Şərq missiyası mənasını itirə bilər.
Beləliklə, özünü “sülh göyərçini” kimi təqdim edən Şimal qonşumuzun əsas məqsədi Cənubi Qafqazı və xüsusilə də Azərbaycanı özünün Yaxın Şərqə çıxış dəhlizi kimi əldə saxlamaqdır. Amma təcrübə göstərir ki, istənilən ölkəni təslimçiliyə sürükləmək üçün xarici amildən istifadə yetərli deyil. O, yalnız detonator rolunu oynaya bilər, partlayıcı isə ölkənin daxilində yerləşməlidir...”
Ərəstun Oruclu Azərbaycana qarşı yeni təxribatlara cəhdlərin olacağını istisna etməyib.
Türkiyə bu kimi təhdidlərə heç bir zaman məhəl qoymayıb və hər zaman deyib ki, Türkiyə Azərbaycanın yanındadır və lazım olan bütün dəstəyi verəcək. Buna heç kəsin şübhəsi olmasın.
Azərbaycan və Rusiya XİN rəhbərləri arasında baş tutan görüşü politoloq Zaur Məmmədov belə şərh edib.
Görünür, Lavrov Mnasakanyanla görüşün vacib olduğunu bildirərək bir ay ərzində Bayramov – Mnasakanyan görüşünün baş tutmasını demək olar kı razılaşdırıb. Yeri gəlmişkən, Rusiya XİN rəhbəri ilə danışıqlardan sonra Lavrov erməni həmkarına zəng edib.
Görüş zamanı Lavrovun narahat olduğu – Azərbaycanın bundan sonrakı xarici siyasətindəki vurğular məsələsinə də aydınlıq gətirilib: Yeni xarici işlər naziri zamanı Azərbaycanın xarici siyasətindəki prioritetlər məsələsi Lavrova aydın olub.
Məlum olub ki, regiondakı geoiqtisadi münasibətlərdə dəyişikliklər olmayacaq. Eyni zamanda, Rusiyanın Şanxay Əməkdaşlıq Təşkilatında bizə təklif etdiyi müşahidəçi statusu da, hələ də öz qüvvəsindədir.
Rusiya XİN rəhbəri mətbuat qarşısında çıxışı zamanı Türkiyənin Minsk qrupunun həmsədr ölkəsi kimi danışıqlara cəlb edilməsini yolverilməz sayıb. Buna baxmayaraq, düşünürəm ki, Lavrov Ceyhun Bayramovun Moskvaya münaqişənin nizamlanmasında yetərli səylər göstərmədikləri ilə bağlı iradını ciddi qəbul etdi. Yaxın həftələr ərzində yenidən “Lavrov planının” Ermənistanda müzakirə predmeti olacağını istisna etmirəm.

#Rusiya #Türkiyə #şokplan

Видео Rusiyanin ŞOK plani - Azerbaycani hedeledi: Bir nece rayon qaytarilarsa... канала Ilqar Yasaroglu