Маңғыстау облысында нөсер жаңбыр мен дүлей дауылдан кейін жылқылар жаппай қырылып қалған

Маңғыстау облысында нөсер жаңбыр мен дүлей дауылдан кейін жылқылар жаппай қырылып қалған. Шаруалар жүзге жуық Қамбар ата төлі сорға батып, сумен ағып кеткенін айтады. Бағытынан адасып, тұзды топыраққа батып өлгендері де көп екен.

Сай-өтес пен Ақ-шымырау, Қызан ауылдарының тұрғындары шаш етектен шығынға баттық деп дабыл қақты. Олардың айтуынша, екі күн бойы толассыз жауған жаңбыр мен қатты жел малды үркітіп, жайылымнан алысқа айдап әкеткен. Қазір шаруалар суға ағып кеткен, сазға батқан жылқылардың өлексесін жинап жүр. Арнайы комиссия құрылып, мал шығыны шаруашылық иелерімен бірге есептеліп жатыр. Ал ауылдарды судан тазарту үшін мұнай компанияларының техникасы тартылып, жоғалған жылқыларды анықтау үшін дрондар арқылы әуеден бақылау жүргізілуде.
ТАЛҒАТ ҚЫЛАНОВ, МАҢҒЫСТАУ ОБЛЫСЫ АУЫЛ ШАРУАШЫЛЫҒЫ ЖӘНЕ ЖЕР ҚАТЫНАСТАРЫ БАСҚАРМАСЫ БАСШЫСЫНЫҢ ОРЫНБАСАРЫ:
- Малдың нақты санын айту мүмкін емес. Себебі техниканың жүру қолайсыздығына байланысты тұрғындар өздері шығып қазір малдарын түгендей алмай жатыр. Соларға біздер мына арнайы өндірістерден жол талғамайтын көліктер алып беріп, қазір түгендеуіне көмектесіп жатырмыз.

#Информбюро #31арна #БастыЖаңалықтар #Новости #31канал

Видео Маңғыстау облысында нөсер жаңбыр мен дүлей дауылдан кейін жылқылар жаппай қырылып қалған канала Информбюро 31