Ишсизлик нафақаси олсам бўладими? Ёш болали оналарнинг дўконга чиқиши тақиқланганми?

Адлия вазирлиги брифинги
"Янгиликлар 24" кўрсатуви
"Ўзбекистон 24" телеканали
Бугун АОКА штабида Адлия вазирлиги ахборот хизмати раҳбари Севара Ўринбоева иштирокида брифинг бўлиб ўтди.
Брифингда муҳим савол ва мурожаатлар юзасидан жавоб қайтарилди.
〰️〰️〰️〰️〰️
❓Никоҳдан ўтиш учун 2 март куни ариза берган эдим, карантин туфайли уни бориб олишнинг имкони йўқ. Бизга жарима қўлланиладими?
❗️Амалдаги тартибга кўра никоҳга кириш ҳақидаги ариза қабул қилинганидан сўнг белгиланган 1 ойлик муддатда никоҳланувчилар ФХДЁ бўлимига мурожаат этишмаса яна уч ойгача мурожаат этиши мумкин. Яъни жорий йилнинг 3 илюь кунига қадар мурожаат қилишлари мумкин.
🔰 Бунда фақат ўз вақтида келмаганлик сабаби аризада баён этилади. Ҳеч қандай жарима ёки ҳужжат талаб этилмайди фақат тиббий кўрик натижаси бўйича маълумотномани тақдим этиш лозим.
〰️〰️〰️〰️〰️
❓Карантин сабабли ишдан бўшашга мажбур бўлдим. Ишсизлик нафақаси олсам бўладими?
✅ Бўлади, бунинг учун ҳудудий бандлик ва меҳнат муносабатлари бўйича органга мурожаат қилишингиз лозим.
❗️Амалдаги қонунчиликка кўра ишсизлик нафақаси кўпи билан:
👉 ишдан ва иш ҳақидан (меҳнат даромадидан) маҳрум бўлган ёки узоқ (бир йилдан ортиқ) танаффусдан кейин меҳнат фаолиятини қайта бошлашга ҳаракат қилаётган шахсга ўн икки ойлик давр мобайнида йигирма олти календарь ҳафта;
👉 илгари ишламаган ва биринчи марта иш қидираётган шахсга эса ўн уч календарь ҳафта мобайнида тўланади.
〰️〰️〰️〰️〰️
❓Карантин вақтида корхона ташкилот ходимлари уйма-уй томорқа маълумотини йиғишга мажбурланмоқда. Шу тўғрими?

❗️Ушбу ҳолатнинг тўғри ёки нотўғри экани алоҳида ўрганишни талаб этади. Чунки мазкур ҳолатда туман ҳокимияти юқори турувчи норматив-ҳуқуқий ҳужжатларнинг ижросини таъминлаш мақсадида ёки туманда иқтисодий ривожлантириш ва томорқалар билан боғлиқ муносабатларни янада назоратини такомиллаштириш юзасидан қарор қабул қилган бўлиши мумкин.

🔰 Амалдаги қонунчиликка кўра, ҳоким қабул қилган ва чиқарган ҳужжатлар устидан фуқаролар, жамоат бирлашмалари, корхоналар, муассасалар ва ташкилотлар судга шикоят қилишлари мумкин.

〰️〰️〰️〰️〰️

❓Хусусий нашриётда дарсликлар бўйича ишлайман. Ишга чиқсак бўладими?

✅ Бўлади. Республика махсус комиссиясининг қарорига кўра 2020/2021 ўқув йилида умумтаълим муассасаларини дарслик ва ўқув-методик қўлланмалари билан тўлиқ ва ўз вақтида таъминлаш мақсадида уларни нашрга тайёрлаш ҳамда чоп этиш ишларига жалб этилган давлат ва хусусий нашриёт-матбаа корхоналарининг фаолият юритишига рухсат берилди.
Агар каналимиздаги видео Сизга ёққан бўлса ЛАЙК босинг ва каналимизга аъзо бўлиш учун "ПОДПИСАТЬСЯ" тугмасини босишни унутманг!
Манба: Ўзбекистон Миллий Телерадио Компанияси.
www.mtrk.uz

Видео Ишсизлик нафақаси олсам бўладими? Ёш болали оналарнинг дўконга чиқиши тақиқланганми? канала UZBEK TV