QƏRBİN HİYLƏGƏR OYUNU: UKRAYNA RUSİYANIN ƏLİNDƏN BELƏ ALINIR

Ukrayna lideri Vladimir Zelenskinin bu gecə xalqa müraciəti və Rusiya ilə Ukraynanın neytral statusunu müzakirə etməyə hazır olması barədə xəbərini Rusiya mediası və siyasətçiləri həvəslə paylaşırlar.

Elə təəssürat yaranır ki, sanki Rusiya da “öz şərtləri” altında, “qürurlu şəkildə” savaşın dayanmasında maraqlı görünür.

Bunun doğrudan da belə olub-olmadığı bəlli deyil və ümumiyyətlə, Zelenskinin bu təklifi niyə daha əvvəl səsləndirmədiyi və yaxud Putinin bunu niyə qəbul etmədiyi qəribədir.

Və deyəsən, hər şey də bundan başlayır!

Lavrov 2018-ci il 17 dekabrda verdiyi müsahibəsində “lxr” və “dxr”in tanınmasına qarşı çıxmış, tanınma baş verəcəyi halda Rusiyanın bütün Ukraynanı itirəcəyini söyləmişdi.

Demək ki, Rusiya 21 fevralda bu qərarı verməklə Ukraynanı tam itirdi, 24-də müharibəyə başlamaqla isə itirdiyi Ukraynadan daha çox ərazi qoparmağa çalışır.

Rusiyanın əsəbini, gərginliyini, hadisələrin inkişafından rəncidə olmasını, qlobal maraqlarını tam mənası ilə başa düşmək mümkündür. Ancaq taktikası rüsvayçılıqdır və çox qabarıq şəkildə Qərbə uduzduğu böyük hesabı öz xalqının – bu məqamda ümumilikdə slavyan xalqı nəzərdə tutulur – qanı ilə bir az aşağı salmağa çalışdığını göstərir.

Ancaq bu qan uduzulan oyunun daha ağır nəticələri ilə tarixə köçür.

Nə mane oldu Rusiyanın Ukrayna ilə danışıqlarına? Axı Zelenski dəfələrlə Putinlə görüşmək arzusunu dilə gətirmişdi. Xüsusilə Ukrayna ətrafına rus ordusunun düzülməsindən sonra bu təklifi hər gün səsləndirirdi!

Putinə Türkiyə kimi neytral ölkədə Zelenski ilə təkbətək, Qərbin araqızışdıranları olmadan görüş təklif edildi axı! Niyə görüşmədi? Niyə Zelenskinin "gözünü açmaq", onu dinləmək istəmədi?

#müharibə #Rusiya #Ukrayna
putin qərbi̇n hi̇yləgər oyunu ukrayna rusi̇yanin əli̇ndən belə alinir xeber ukrayna

Видео QƏRBİN HİYLƏGƏR OYUNU: UKRAYNA RUSİYANIN ƏLİNDƏN BELƏ ALINIR канала AXAR TV