Есірткі барондарының сұмдығы

Полиция қызметкерлері тұрғындарды куәлік ету арқылы жерден алып, тіркеп жатқан есірткіге ұқсас ұнтақ орамасын томиристіктер алыстан танитын болған. Себебі, бірнеше күннен бері дәл осындай изолентке оралып, пакетке салынған ұнтақты жер шұқылап, қазып алып жүргендермен күресіп жүр. Алғашқыда жиырма адамды өз күштерімен ұстағандар, сенбінің түнінде таңға дейін тағы 37 адамды қолға түсірді.
БЕКЕН ҚАЛЫМБЕКҰЛЫ, Томирис ықшамауданының тұрғыны:
– Алатау ауд әкімдігіне, арнайы полиция қызметкеріне ескерткенбіз. Олар уәде беріп, кезекшілік қоямыз деген. Кезекшілік қойылғаны былай тұрсын, оның үсті үстіне көбейіп, кеше қырыққа тарта наркоманды полицияға ұстап бердік. Таңға дейін күзетуге көштік.
Тұрғындар бірнеше күннен бері жалпы саны 71 адамды полицияға ұстап бердік, бірақ тізіп бергенімізбен, ертесі күні ұсталған адам ыржиып қайтып келіп тұрады. Көздері шарасынан шығып, әр жерді түрткілеп, есірткі іздеуге қайта көшеді деп қапалы. Өйткені, қайтып келгендер «өлтіреміз» деп сес көрсетеді екен. Олардан суық қару тәркіленсе де, полиция қамауға алмай тұр, дейді.
БЕКЗАТ ӘУЕЛБЕКОВ, Томирис ықшамауданының тұрғыны:
– Міне, үш күн ұйықтамай, 24 сағат. Бірінші күн болғаннан кейін неге сотрудниктер қолға алып, қарамады. Біз қарапайым халық жүрміз. Егер ертең қарапайым халықтың түрін жаттап алып, бірнәрсе істеп кетсе, менің бала-шағамды кім бағады?
Кеше түнде Томириске бірнеше полиция көлігі, үйретілген иттерімен кинологтар да келді. Иісшіл иттер қазған жерден - бұрын ішінде ұнтақ болған бос пакет қана шықты. Тұрғындар, о баста наша сатуы мүмкін деген күдікпен ұсталған екеудің үйін полицияның дұрыс тінтуін, үй иесінің бұл ауданнан көшіп кетуін талап етті. Есірткіге ұқсас ұнтақ та, иттер тапқан ұнтақсыз пакет те осы үйдің есігінің алдынан табылды. Бұл үйдің қасында орналасқан жертөледе расында да тұрғындар айтқандай, сыртты бақылайтын монитор орналасқан екен. Ал, Алматы полициясы соңғы демалыс күндері Томирис ықшамауданынан 34 адам қамауға алынғанын айтты. Олардың басым бөлігі бұрын сотталып келгендер.
САЛТАНАТ ӘЗІРБЕК, Алматы қаласы ПД баспасөз қызметінің жетекшісі
– 34-тен аса күдікті адамдар ұсталған болатын. Олардың тоғызын тінту барысында есірткіге ұқсас заттар тәркіленді. Оның есірткі ме, емес екенін бізге тек сот химиялық сараптама айтатын болады.
Ал, бұл сараптама қорытындысы кем дегенде 20 күн жасалады дейді. Бүгін тұрғындар есірткі іздеп келген тағы екі адамды ұстады.
Ирина Советжанқызы, Ринат Абулхаиров
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

#есірткі #наша #Томирис

Видео Есірткі барондарының сұмдығы канала Информбюро 31