Şəhriyar del Gerani - Aşiq olmağın şeiri - Kamran M. YuniS

#kamranyunis #vasifadıgözəlov #şəhriyardelgerani #kamranmyunis
#poeziyateatrı #şiirler #şeirlər #sevgişeirləri #şərikliçörək

Şəhriyar del Gerani - Aşiq olmağın şeiri
Bəstəkar - Vasif Adıgözəlov - "Şərikli çörək" film musiqisi

Ürək necə döyünər? - Sürünüb
sən sarı dartınır bu mirət.
Görürsən, içində tufandı,
görəsən, kimindi bu külək?
Büsbütün hisslərim qarışdı,
bu duyğu hardansa tanışdı;
Elə bil sinənin altında
çırpınır min beş yüz kəpənək...
Özünü ələ al, düzələr,
sevginin bir adı səbirdi.
Şükr de, çırpınır kəpənək,
adam var, yeriyən qəbirdi.
Soruşsan, deyəcək, "Ömürdü..."
Gəl, elə darıxdım üzünçün,
gəl... belə darıxmaq tapılmaz.
Bircə yol uzaqdan gülümsə,
gülümsə, bilim ki, mənimsən,
ən yekə ayrılıq ölümsə,
qucaqla, nə olar-nə olmaz...
Qucaqla - necə ki, sərçələr
küləkdə qucaqlar zəmini.
Dənizlər gəmini qucaqlar,
səhralar qucaqlar dəlini,
dərvişlər qəmini qucaqlar,
torpaqlar qucaqlar ölünü.
Düşün ki, sabahkı balamsan,
düşün ki, dünənki anamsan,
dünyada ən əziz adamsan,
bu könül həmdəmini qucaqla...
Görürsən, sevgisiz soyuqdu,
günəşin buz olan üzü var.
Bilsən nə gül üzlü hüzur var
sevgiylə açılan qucaqda.
Görürsən, içində tufandı,
görəsən, kimindi bu külək?
Elə bil sinənin altında
çırpınır min beş yüz kəpənək.
Sevgi səadətdən qədimdi...

Видео Şəhriyar del Gerani - Aşiq olmağın şeiri - Kamran M. YuniS канала Kamran M. YuniS