"Графіка года - 2021" у музеі гісторыі Віцебскага народнага мастацкага вучылішча | ВЦСМ

Праект “Графіка года” распачаўся ў 2017 годзе як выстава-конкурс секцыі графікі Беларускага саюза мастакоў. Кожны год праект збірае і дэманструе ўсё лепшае, што створана ў графіцы за мінулы час. Малюнак, акварэль, лінагравюры, літаграфіі, новыя магчымасці лічбавых тэхналогій – увесь дыяпазон творчых падыходаў і тэхнічных эксперыментаў у галіне арыгінальнай і друкаванай графікі.

У гэтым годзе на конкурс было пададзена больш за 140 заявак, звыш 350 работ. Для ўдзелу ў выставе “Графіка года’21” былі адабраны 180 работ больш за 70 аўтараў.

У экспазіцыі можна ўбачыць працы рознай стылістычнай скіраванасці і шматлікія варыяцыі разнастайнага тэхнічнага выканання. Усіх прадстаўленых аўтараў аб’ядноўвае глыбіня творчага пошуку, арыгінальнасць вобразных знаходак і яркая індывідуальнасць.

На выставе ў Музеі гісторыі ВНМВ прадстаўлена больш за 70 работ 32 аўтараў. У экспазіцыі можна ўбачыць творы пераможцаў у намінацыі “Друкаваная графіка” Марыі Сыракваш (1-е месца), Марыі Кашалёвай-Ліхоты (2-е месца), Ганны Мельнікавай (3-е месца), у намінацыі “Арыгінальная графіка" Андрэя Басалыгі (1-е месца) і Вольгі Пагарэлавай (3-е месца). Экспануюцца таксама работы Кацярыны Коўзусь і Вольгі Жэбінай, якія атрымалі спецыяльную ўзнагароду ад куратара праекта Андрэя Басалыгі.

Видео "Графіка года - 2021" у музеі гісторыі Віцебскага народнага мастацкага вучылішча | ВЦСМ канала Віцебскі цэнтр сучаснага мастацтва