ಯಕ್ಷಗಾನ ಚಂಡೆವಾದನದಲ್ಲಿ ದಾಖಲೆ ಬರೆದ ಪಾವಂಜೆ ಮೇಳದ ಚಂಡೆವಾದಕ ಕೌಶಿಕ್ ರಾವ್ 🔥 ವೀಡಿಯೋ ಇಲ್ಲಿದೆ ನೋಡಿ |yakshagana|

" ಯಕ್ಷಗಾನ ಚೆಂಡೆವಾದನದಲ್ಲಿ ಇಂಡಿಯನ್ ವರ್ಲ್ಡ್ ರೆಕಾರ್ಡ್ ಸಾಧನೆ "
ಮಂಗಳೂರು: ಯಕ್ಷಗಾನ ಚೆಂಡೆಯಲ್ಲಿ ಒಂದು ನಿಮಿಷಕ್ಕೆ 192 ಬಾರಿ "ತ ರಿ ಕಿ ಟ ತ ಕ" ಎಂಬ ಏಕತಾಳದ ಊರುಳಿಕೆಯನ್ನು ನುಡಿಸುವ ಮೂಲಕ ಮೂಡುಬಿದಿರೆ ಪುತ್ತಿಗೆ ನಿವಾಸಿ ಕೌಶಿಕ್ ರಾವ್ ಟಿ.ಜೆ. ಅವರು ಇಂಡಿಯನ್ ವರ್ಲ್ಡ್ ರೆಕಾರ್ಡ್ ಸಾಧನೆ ಮಾಡಿದ್ದಾರೆ.
ಯಕ್ಷಗಾನ ಪಕ್ಕವಾದ್ಯ ವಿಭಾಗದಲ್ಲಿ ಇದೇ ಮೊದಲಿಗೆ ಈ ಸಾಧನೆ ಸಾಧ್ಯವಾಗಿದೆ.
ತರಿಕಿಟತಕ ಊರುಳಿಕೆಯನ್ನು ಏಕತಾಳದಲ್ಲಿ ಒಂದು ನಿಮಿಷದಲ್ಲಿ 192 ಬಾರಿ(192*6=1152 ಬಿಟ್ಸ್) ನುಡಿಸಿದ್ದಾರೆ.
ಕೌಶಿಕ್ ಅವರು ಕಲಾವಿದರ ಕಾಮಧೇನು ಯಕ್ಷಧ್ರುವ ಪಟ್ಲ ಸತೀಶ್ ಶೆಟ್ಟಿ ಸಾರಥ್ಯದ ಶ್ರೀ ಜ್ಞಾನಶಕ್ತಿ ಸುಬ್ರಹ್ಮಣ್ಯ ಸ್ವಾಮಿ ಕೃಪಾಪೋಷಿತ ಯಕ್ಷಗಾನ ಮಂಡಳಿ, ಶ್ರೀ ಕ್ಷೇತ್ರ ಪಾವಂಜೆ ಇದರ ಪ್ರಧಾನ ಚೆಂಡೆವಾದಕರು. ಅವರ ಪತ್ನಿ ಅಮೃತಾ ಅಡಿಗ ಅವರು ಹವ್ಯಾಸಿ ಭಾಗವತರು. ಎರಡು ವರ್ಷಗಳ ಹಿಂದೆಯಷ್ಟೇ ವೈವಾಹಿಕ ಜೀವನಕ್ಕೆ ಪ್ರವೇಶಿಸಿದ್ದ ದಂಪತಿ ಮದುವೆ ಭೋಜನ ವೇಳೆ ಯಕ್ಷಗಾನ ಪದ್ಯ ಹಾಡಿದ್ದು ಭಾರಿ ವೈರಲ್ ಆಗಿತ್ತು.

ಆಯ್ಕೆ ಹೇಗೆ?
ಚೆಂಡೆಯಲ್ಲಿ ತರಿಕಿಟತಕ ವನ್ನು 192 ಬಾರಿ ಭಾರಿಸಿದ್ದ ವಿಡಿಯೋವನ್ನು ಜಮ್ಶೆಡ್ ಪುರದಲ್ಲಿರುವ ಐವಿಆರ್ ಫೌಂಡೇಶನ್ ಗೆ ಕಳುಹಿಸಲಾಗಿತ್ತು. ಫೌಂಡೇಶನ್ ನವರು ಈ ವಿಡಿಯೋದ ಸಾಚಾತನವನ್ನು ಪಕ್ಕವಾದ್ಯ ಸಾಧಕರ ಮೂಲಕ ಪರೀಕ್ಷಿಸಿದ್ದರು. ಅಲ್ಲದೆ ಇಬ್ಬರು ತೀರ್ಪುಗಾರರು ಈ ವಿಡಿಯೋ ಪರಿಶೀಲಿಸಿ ನೀಡಿದ ಶಿಫಾರಸ್ಸು ಆಧರಿಸಿ ಇಂಡಿಯಾ ವರ್ಲ್ಡ್ ರೆಕಾರ್ಡ್ ನಲ್ಲಿ ಹೆಸರು ದಾಖಲಿಸಿದೆ.

ಒಂದು ನಿಮಿಷದಲ್ಲಿ 192ಬಾರಿ ಏಕ ತಾಳದ ಊರುಳಿಕೆ ನುಡಿಸುವುದು ಕಷ್ಟವಲ್ಲವಾದರೂ, ದಾಖಲೆಗೆ ಸೇರ್ಪಡೆ ಆಗಬೇಕಿದ್ದರೆ ಒಂದೇ ತಾಳವನ್ನು ಯಾವುದೇ ಅಕ್ಷರ ತಪ್ಪದಂತೆ ನುಡಿಸಬೇಕಿತ್ತು. ಶ್ರೀಮಂತವಾದ ಕರಾವಳಿಯ ಯಕ್ಷಗಾನ ಕಲಾಪ್ರಾಕಾರದ ಹೆಸರಿನೊಂದಿಗೆ ನಾನು ಪೂಜನೀಯವಾಗಿ ಆರಾಧಿಸುವ ಚೆಂಡೆ ವಾದನವನ್ನು , ಹಾಗೆ ಈ ಕಲೆಯನ್ನು ವಿಶ್ವದಾದ್ಯಂತ ಪಸರಿಸುವ ಸಲುವಾಗಿ ಅಭಿಲಾಷೆ ಹೊಂದಿದ್ದೇನೆ. 10ವರ್ಷದ ಪರಿಶ್ರಮದಲ್ಲಿ ಈ ಸಾಧನೆ ಸಾಧ್ಯವಾಗಿದೆ. ಮುಂದೆ ವರ್ಲ್ಡ್ ರೆಕಾರ್ಡ್ ಮಾಡಬೇಕೆಂಬ ಬಯಕೆ ಇದೆ.
- ಕೌಶಿಕ್ ರಾವ್ ಟಿ.ಜೆ.

PC - ಮಧ್ವರಾಜ ಅಡಿಗ

Видео ಯಕ್ಷಗಾನ ಚಂಡೆವಾದನದಲ್ಲಿ ದಾಖಲೆ ಬರೆದ ಪಾವಂಜೆ ಮೇಳದ ಚಂಡೆವಾದಕ ಕೌಶಿಕ್ ರಾವ್ 🔥 ವೀಡಿಯೋ ಇಲ್ಲಿದೆ ನೋಡಿ |yakshagana| канала Rangasthala Official - ರಂಗಸ್ಥಳ