🥊FIGHT ANALYSIS: Dehado Tayo! Walang TIWALA kay BORNEA! Martinez, GUGULATIN ng BAGYONG Jade Bornea!

Sa darating na June 25, susubuking baklasin ni Jade ‘Hurricane’ Bornea ang IBF 115 pound title ni Fernando ‘Pumita’ Martinez ng Argentina.
Ayon sa mga betting odds, dehadong dehado ang ating kababayan na binigyan lamang ng mahigit 23 porsyentong tyansa para manalo.
100 tamang 400 ang bigayan, ganyan nila minamaliit ang undefeated nating kababayan!
Ano nga ba ang dahilan kung bakit lyamado si Martinez?
May kakayahan nga bang manalo ang kababayan natin mula Cotabato?
Yan ang pag-uusapan natin sa videong ito mga idol!
Magandang araw mga boxing fans at welcome back sa sports manda!

Current #1 ranked contender sa IBF Super Flyweight division si Jade Bornea.
May undefeated ring record na 18 wins with 12 knockouts o may 66.67% knockout percentage.
Si Fernando Martinez naman ay may binabanderang 15 wins, walang talo and with 8 victories coming by way of knockout o may 53.33% knockout percentage.
Parehas na makulay ang mga naging amateur experiences ng dalawa ngunit mas quality ang mga naging opponents ni Bornea.
Kasama sa mga tinalo ni Bornea sa amateur ay ang former 3 division world champion Kosei Tanaka at former unified Super Bantamweight champion Murodjon Akhmadaliev

Sa tale of the tape
28 anyos si Bornea at mas matanda ng 3 taon si Martinez sa edad na 31.
Mas matangkad ng isang pulgada si Bornea sa taas na 5 foot 4 at 5 foot 3 naman si Martinez.
Lumamang ng 3 pulgada ang haba ng galamay ni Bornea na pumalo sa 67 inches kumpara sa 64 inches reach ni Martinez.
Sa total number of rounds, kumubra na ng total of 92 rounds si Martinez kumpara sa 87 professional rounds ni Bornea.
Parehas na orthodox ang stance ang dalawang boksingero.
Mahigit 10 buwan ng bakante si Bornea dahil ang huling laban kontra kay Ivan Meneses ay noon pang August 19, 2022
Samantalang mahigit 8 buwan pa lamang nababakante si Martinez matapos ang matagumpay na pagdepensa sa titulo noong October 8, 2022 kontra kay Jerwin Ancajas.
Bumato ng average of 87 punches per round si Martinez vs Ancajas landing an average of 35 power punches per round.
Kaya lyamado ang bata ni Marcos Maidana na binigyan ng mahigit 76% chance of winning o 450 tamang isang daan.
Nais ni Martinez na magpakitang gilas sa harapan ng mga fans sa Minneapolis. Ang target niya daw ay hindi lamang manalo kundi ang maging undisputed sa Super Flyweight division.
Pero bago yan, kailangan nya munang lusutan ang bagyong si Bornea.
Aminado naman si Coach Ernel Fontanilla na pressure fighter si Martinez at sandamukal tumapon ng suntok, ngunit mas mautak, mas malakas at mas complete fighter daw ang ating kababayan na siyang magiging susi para maipanalo ang laban.
Si Fontanilla ang naglatag ng blueprint para talunin ni Tapales si Akhmadaliev, kaya hindi na ako magtataka kung bigla tayong gulatin ni Jade Bornea.

Narito ang full fight highlights ng mga laban nina Bornea at Martinez para makilatis natin ang galawan ng kalaban.

Видео 🥊FIGHT ANALYSIS: Dehado Tayo! Walang TIWALA kay BORNEA! Martinez, GUGULATIN ng BAGYONG Jade Bornea! канала Sports Manda