Қарағанды облысында коронавирус жұққан 29 адам жансақтау бөлімінде жатыр

Қарағанды облысында жағдайы ауыр науқастардың саны күрт көбейген. Бұл туралы денсаулық сақтау басқармасының басшысы Ержан Нұрлыбаев мәлімдеді.

Қазіргі күні 29 адам жансақтау бөлімінде жатыр, оның 9-ы өкпені жасанды желдету аппаратына қосылған. Өз бетінше емделіп, дәрігерге тым кеш қаралудың соңы осындай өкінішті жағдайларға әкеліп жатырдейді мамандар. Жедел-жәрдем қызметіне жүгінетіндер саны да 20 процентке артқан.

Ал зертханалар медициналық талдау жасауға үлгермей жатыр. Бір тәулікте 2 мың адамның сынамасы тексеріледі. Қазір жаңа тәртіп бойынша бірінші кезекте 50 жастан асқан, созылмалы аурулары бар және дене қызуы бірнеше күн бойы түспей тұрған науқастардан тест алынады. Ержан Нұрлыбаевтың айтуынша, жуырда өңірде «Covid-19» дертін жұқтырғандарды емдеуге арналған қосымша 450 орын әзірленеді. Ал 1 шілдеден бастап Теміртауда ПТР зертханасы жұмысын бастайды.

«Хабар 24» арнасына жазылыңыздар: http://bit.ly/31WnObW
Біздің сайт - https://24.kz
Facebook - https://www.facebook.com/tvkhabar24
Instagram - https://www.instagram.com/tvkhabar24
Telegram - https://t.me/tvkhabar24
Twitter - https://twitter.com/tvkhabar24
Vkontakte - https://vk.com/tvkhabar24

Видео Қарағанды облысында коронавирус жұққан 29 адам жансақтау бөлімінде жатыр канала Телеканал Хабар 24