Te Maurea Whiritoi - Te Kawau Mārō (Whakaeke 2017)

Whakaeke of Te Maurea Whiritoi from the Tainui Kapa Haka Competition Dress Rehearsal at Hamilton Boys' High School 2017.
Lyrics composed by Toti and Francis West.
Tune composed by Toti West, Francis West and the students of Te Maurea Whiritoi.

KUPU
E ngā tuākana o Te Nehenehenui
Me he kahu pītongatonga
I maru i a koe
Te tāhuna ā-tara e tau nei
Maniapoto nihowera
Tēnā koutou, tēnā koutou, tēnā koutou katoa

Nei rā te tuitui i ngā tātai whakapapa o Waikato-Maniapoto e

He aroha tāukiuki
He maimai aroha nā Ngaere
Ki te kuku o tōna manawa
E ko Heke-i-te-rangi e
Te puhi o Maniapoto e

Ko Hoturoa
Ko Hotu-ope
Ko Hotu-āwhio
Ko Hotu-matapū
Ko Ue-tihi
Ko Ue-raki
Ko Uenoho
Ko Pū-tetere
Ko Taipū
Ko Tamapoto
Ko Tūheitia
Ko Māhanga
Ko Tūkōtuku
Ko Wairere
Ko Whenu
Ko Te Kete-iwi
Ko Ngaere

Ko Hoturoa
Ko Hotuope
Ko Hotu-āwhio
Ko Hotu-matapū
Ko Mōtai
Ko Ue
Ko Rakamaomao
Ko Kākāti
Ko Tāwhao
Ko Tūrongo
Ko Raukawa
Ko Rereahu
Ko Maniapoto
Ko Te Kawa-irirangi
Ko Tukemata
Ko Mania-uruhau
Ko Heke-i-te-rangi

Maniapoto!
Kia mau ki te kawau mārō
Whanake ake! Whanake ake!

Herea ngā whakapapa o Tainui
Whītiki ki anamata
Paiheretia ngā tātai ariki
Ko Waikato-Maniapoto

Tēnei te kawau e tiripou ana
Tapakō ana i runga i a Puke-i-āhua
Ko Te Kete-iwi e

E ruku i te ruku a te kawau
Ki a Waipā-here-ariki
Ki taku rongohua
Ko te rātā tapu o Heke-i-te-rangi ki Te Rore
Whākanakana ana taku tirohanga
Ki te hākari a Ngaere i te ara o Maniauruhau

Ki Manga-o-tama
Hao!
Ki Kaipārera
Hao!
Ki Kāniwhaniwha
Hao!
Tuhikaramea!
Hao!
Ki Whatawhata
Hao!
Ruamakamaka
Hao!
Ki Tikirahi
Hao! Hao!
Haoa a Whakatakotoranga, a Te Wakapaku, a Pahīwai
Āhāhā

He kawau ka tuku ki te aro o Ngāti Rōrā e
Ki te kūititanga o ngā whakaaro
Ki te kūititanga o Tainui e
Kei aku huānga o Maniapoto
Nā koutou ko Te Mana-o-te-rangi

Ko wai rā, ko wai rā!
Ko te rāhui kawau a Ngaere e tau nei
Hao!

Видео Te Maurea Whiritoi - Te Kawau Mārō (Whakaeke 2017) канала Te Kopu Mania