3 ЛИДЕРИ БАДАХШОН ТОЛИБ, МУНАВВАР ВА НИЁЗШО БА КУШТОР, БАНДИТИЗМ, БЕТАРТИБӢ, ҚОЧОҚ АЙБДОР МЕШАВАНД

Маркази матбуоти ВКД Тоҷикистон рӯзи 11 июни соли 2022 бо нашри як иттилоияи вижа аз қавли ситоди байниидорави таъмини амният ва тартиботи ҷамъиятӣ дар Вилояти Мухтори Кӯҳистони Бадахшон боздошти се лидери ғайрирасмии ин минтақа - Толиб Аёмбеков, Мунаввар Шанбиев ва Ниёзшо Гулобовро расман тасдиқ кард. Ситоди байниидоравӣ онҳоро “саркардагони гурӯҳҳои муташаккили ҷиноятии шаҳри Хоруғ” ном бурда, гуфтааст, ки ин се нафар рӯзи 11 июн дар натиҷаи амалиёти махсус дастгир гардида, ба ҳабс гирифта шудаанд.
Ситоди байниидоравӣ, ки дар Бадахшон аз тирамоҳи соли 2018 амал мекунад, гуфт, Аёмбеков, Шанбиев ва Гулобов ба даст доштан дар як қатор ҷиноятҳои вазнин ва махсусан вазнин, аз ҷумла куштор, авбошӣ, ғоратгарӣ, қочоқ ва муомилоти ғайриқонунии маводи мухаддир, силоҳу аслиҳа ва сангҳои қиматбаҳо, ташкили иттиҳоди ҷиноятӣ, бандитизм, бетартибиҳои оммавӣ, барангехтани кинаву адовати маҳаллӣ айбдор мешаванд.

Видео 3 ЛИДЕРИ БАДАХШОН ТОЛИБ, МУНАВВАР ВА НИЁЗШО БА КУШТОР, БАНДИТИЗМ, БЕТАРТИБӢ, ҚОЧОҚ АЙБДОР МЕШАВАНД канала Bomdod TV