Ақтөбе халқы, «Сөз Сізде»!

31 арнаның «Сөз Сізде» жобасының тілшілері бүгін Ақтөбе облысы халқының арыз-шағымын тыңдаған еді. Біз хабарлаған уақыт пен мекенжайға жиырма шақты тұрғын жиналды. Бәрі де жылдар бойы шешілмей келе жатқан жеке мәселелерін көтеріп, әкімдіктегілерден біз арқылы жауап алғысы келеді.
«Мәселемізді айтуға келдік» деп жиналғандар мал жаятын жердің жоқтығын, шұрық тесігі шығып, жүруге келмей қалған жолдардың күйін, баспана, көп балалы аналарға берілетін жәрдемақы мен ипотекалық бағдарламаларға қолдары жетпей жүргенін айтады. Тұрғындар Ақтөбенің әкімдері халықты тыңдаудан қалды деп өкпелі.
Қазір бізбен Ақтөбе қаласы әкімінің орынбасары Айбек Көпенов байланыста. Айбек Мұратқалиұлы, шағымдарды бірге тыңдайық.... Ұлан Абдулов Ақтөбеде болған су тасқынында үйлері суға кеткен Махамбет ауылына әкімдік әлі күнге берген уәдесін орындамады деп шағымданады. Сол кездегі облыс әкімі Бердібек Сапарбаев бастаған билік өкілдері су астында қалған ауылды түгел көшіріп, тұрғындарға жер бөліп, үй салып береміз деген екен. Алайда арада бес жыл өтсе де жағдай түзелген жоқ дейді. Алдымен тұрғынның сұрағын тыңдап алсақ.
ҰЛАН АБДУЛОВ, Ақтөбе қаласының тұрғыны:
– 2017 жылы суға кеткен жер ғой. Соның орнына үй салып береміз деді. Бәрімізге қағазын берді. Үйдің картасы, қалай салынатыны бәрі бар да, но көмек жоқ әлі. Әкімдерге бардық. Олар тоже бір-біріне лақтырады. Барамыз, екі жеті күтеміз, екі жетіден кейін қағаз келеді. «Сіздерді земельныйға жібердік, спонсор болса көмектесеміз» дейді.
Ал Әбдіқалы Қартпаев соңғы алты жылдан апатты үйде тұрып жатыр. Сөзінше, әкімдіктегілер сол уақыттан бері ескі үйді қайта жөндеуден өткіземіз деп уәде еткен. Енді осы азаматтың айтқанын тыңдасақ.
ӘБДІҚАЛЫ ҚАРТПАЕВ, Ақтөбе қаласының тұрғыны:
– Үй авариялық жағдайда тұрған үй. Алты жылдан бері жүрмін. Термомодернизация жасалады дегеніне алты жыл болып тұр. Алты жыл күтіп жүрміз. Берген уәделерін орындамайды. Құдай сақтасын, ертең ана үй құлап жатса, адам өлімі болып жатса оған кім жауап береді? Облыс әкіміне, қала әкіміне кіру деген мүмкін емес. Талай жазылдық, бардық, кіргізбейді. Бұл мәселе қашан шешіледі?
Ал Әділ Кенжалин "мал бағып отырған жерімді әкімдік басқа біреуге беріп жіберді" деп шағымданады. Айтуынша, жергілікті биліктегілер ауылдағы жайылым жердің 260 гектарын жеке шаруаға сатып жіберген екен. Әділ мырза мәселесін өзі айтып берсе.
ӘДІЛ КЕНЖАЛИН, Ақтөбе қаласының тұрғыны:
– Бір жарым миллиард екі жүз елу миллион бес жүз мың теңге инвестиция салады деп біздің 260 гектар жерімізді беріп жіберді. Оның ішінде жиырма гектары менікі. Тиесілі, заңды түрде. Енді мен малымды қайда жаямын? Осы туралы әкімдікке қанша рет арыз жаздым. Енді қайда барарымызды білмей отырмыз. Ауылдың берін қайтарсын.
Айбек, Мұратқалиұлы жайылым жері сатылып кеткен ауыл тұрғындары төрт түліктерін қайда апарып жаяды? Жер шаруаларға қайтарыла ма?
«СӨЗ СІЗДЕ» айдарының аясында біз ертең Қостанай қаласы тұрғындарына микрофон ұсынамыз. Құрметті қостанайлықтар, егер сіздердің айтатын нақты жеке шағымдарыңыз болса, біздің әріптестер сіздерді жергілікті уақытпен күндізгі сағат 11-де, "Жеңіс" саябағында күтеді. Келіңіз! "Сөз -СІЗДЕ" болады!
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

#СөзСізде #Информбюро #жаңа_жоба

Видео Ақтөбе халқы, «Сөз Сізде»! канала Информбюро 31