GREENCARD QALIBLERI SEFIRLIK GORUSUNDE Ne Edecekler? (Greencard Azerbaycan) GC#4 #108 11.06.2018

Greencarddan Qalibi olanlar Sefirlik gorusunde ne edecekler ? GC#4 #108 11.06.2018

Salam,
Xahiş olunur aşağıdakıları diqqətlə oxuyun!
Səfirliyə gedərkən aşağıdakı sənədləri özünüzlə aparmaq tələb olunur. Səfirliyə bütün ailə üzvləriniz getməlidir (həyat yoldaşınız və 21 yaşına kimi olan uşaqlar)
Bütün sənədlər notarial qaydada tərcümə olunmalıdır. Sənədlərin tərcüməsini və notarial təsdiqini ASAN xidmətdə edə bilərsiniz. Və ya 1 nömrəli notariusda.
Qeyd: Səfirliyə bütün sənədlərin orijinallarını da aparmaq tələb olunur.
Xarici pasport (şəkliniz olan səhifəsinin sadəcə kserokopiya edin. Notarial tərcüməsi lazım deyil)
Doğum haqqında şəhadətnamə (evlisinizsə həyat yoldaşınızın da doğum haqqında şəhadətnaməsi)
Evlilik haqqında şəhadətnamə (evlisinizsə)
Boşanma haqqında şəhadətnamə (bütün əvvəlki evliliklərdən boşanma haqqında şəhadətnamə)
Ölüm haqqında şəhadətnamə (əgər keçmiş həyat yoldaşınız vəfat edibsə bu sənəd tələb olunur)
Subaylıq haqqında arayış (əgər subaysınızsa yaşadığınız rayonun nigah evindən bu sənədi almalısınız)
Məhkumluq haqqında arayış (evlisinizsə həyat yoldaşınız və 16 yaşdan yuxarı uşaqlar üçün də bu arayışı alın. Bu arayışı 1 günə ASAN xidmətdən ala bilərsiniz. Bu sənədi səfirlikdə görüşünüzə bir iki həftə qalmış alın. Çox erkəndən almağa ehtiyac yoxdur)
Qeyd: Əgər özünüzün və ya həyat yoldaşınız başqa soyadı (məsələn qızlıq soyadı) olubsa həmin soyadlar üçün də ayrıca məhkumluq haqqında arayış alınmalıdır.

Xarici ölkədən Məhkumluq haqqında arayış (əgər özünüz və ya digər ailə üzvləriniz hansısa ölkədə ən azı 1 il yaşamısınızsa həmin ölkədən də polisdən məhkumluq haqqında arayış almaq lazımdır. 16 yaşdan yuxarı şəxslərə aiddir bu. Əgər hal hazırda xaricdəsinizsə və həmin ölkədə olmağınız ən azı 6 aydırsa, həmin ölkədən də məhkumluq haqqında arayış almaq lazımdır)

Şəkil (özünüzün və sizinlə səfirliyə gedən hər bir ailə üzvünün arxa fon ağ rəng 5x5 ölçülü 2 ədəd şəkli)
Atestat (9 illik məktəbi bitirmək şəhadətnaməsi yox, 11 illik məktəbi bitirmə atestatı). Bu yalnız qalib olmuş şəxsə aiddir. Digər ailə üzvlərinə ehtiyac yoxdur. Atestatınız normalda evinizdə olmalıdır, əgər evinizdə deyilsə böyük ehtimal sonuncu oxuduğunuz universitetdə olmalıdır. Əgər universitet oxumusunuzsa, universitet diplomuna ehtiyac yoxdur, yalnız atestat lazımdır. Əgər hal hazırda universitet oxuyursunuzsa, böyük ehtimal universitetdən atestatın orijinalını almaqda çətinliyiniz ola bilər, keçən ilki qaliblərimizdə də bu çətinlik olmuşdu. Amma istənilən halda almalısınız, və atestatın özünü səfirliyə aparmalısınız.
Hərbi bilet - yalnız kişilər üçün (əsgərlikdə olub olmamağınız fərq etmir) . Əgər oxuyursunuzsa və hərbi biletiniz yoxdursa, yaşadığınız rayonun voenkomatından sizə hərbi bileti əvəz edən sənəd vermiş olmalıdırlar.
Uşaqların doğum haqqında şəhadətnamələri (sizinlə gedən uşaqlar)
Tibbi arayış (SOS klinikasından alınmaldır. Bu klinika Qaqarin körpüsünün sol tərəfində və ya Bentley avtosalonunun (Port Baku tərəf) arxasında yerləşir. Səfirlikdə görüşünüzə 2 həftə qalmış bura getməlisiniz, onu görə də indidən zəng edin klinikaya və özünüzə görüş təyin edin və öyrənin nələri etməlisiniz. Adətən ümümi yoxlama və peyvəndlər olur. Peyvəndlər bu klinikada bahadır. Həmin peyvəndləri öz rayonunuzdakı poliklinikadan da ala bilərsiniz. Sadəcə dəqiqləşdirin hansı peyvəndlər lazımdır və sizdə bu günə kimi hansılar olunubdur).

Ünvan
International SOS Clinic
Doctors: Dr. Khayal Mehdiyev and Dr. Jamila Huseynli
1 Yusif Safarov str. Khatai District, Baku
Tel: (994 12) 493-73-54
Fax: (994 12) 493 96-44

Bank Arayışı: Bank arayışında təxminən 10 min dollar göstərsəniz kifayət edəcəkdir. Banklar arayışı ingilis dilində verirlər. Təqdim etmək üçün yer kimi “Tbilisidəki Amerika səfirliyi yazılmalıdır” , ingilis dilində “To the embassy of the USA in Tbilisi”.
Bankdakı hesabıma qoyulan pul mən səfirliyə girənə kimi hesabımda qalmalıdırmı? – Xeyr! Bankda özünüzə cari hesab açıb bu gün pulu yatızdıra bilərsiniz və sabahsı gün də o pulları çıxara bilərsiniz. Pulu qoyduğunuz gün bank sizə arayışı verəcəkdir. Bu əməliyyatı səfirlikdə görüşə girməzdən 1-2 həftə qabaq etməyiniz məsləhətdir. Ümumiyyətlə, bank arayışı adətən verildiyi gündən 1 ay etibarlı olur.

Səfirlikdə özünüz və hər bir ailə üzvü üçün 330 dollar ödəməlisiniz (nağd pul). Viza aldıqdan sonra isə Amerikaya girməzdən öncə və ya sonra plastik kartınızla ABŞ dövlətinə 220 dollar ödəməlisiniz (ayaq basdı rüsumu kimi). Bu barədə məlumatı səfirlikdən çıxanda sizə verəcəklər.
Viza aldıqdan sonra səfirlikdə sizə sarı zərf verəcəklər. O zərfi açmaq olmaz. Onu özünüzlə Amerikaya aparmalısınız, Amerikada hava limanından çıxmazdan öncə sizdən alacaqlar.
Hörmətlə,
Turgut

Видео GREENCARD QALIBLERI SEFIRLIK GORUSUNDE Ne Edecekler? (Greencard Azerbaycan) GC#4 #108 11.06.2018 канала Turgut Aliev