Куршаб айыл өкмөтү 200 млн.дон сомдон ашык инвестиция тартып, социалдык шаар курууда.

2020-жыл оор жыл болсо да, Ош облусунда биринчи ирет башталган чоң долбоор.
Март айынан баштап бүт Кыргызстан коронавирус менен күрөштү. Анын ичинде Куршаб айыл өкмөтү да пандемия учурунда ынтымак менен жигердүү иштерди алып барды. Куршаб айыл өкмөтү 200 млн.дон сомдон ашык инвестиция тартып, социалдык шаар курууда.
“Балдарды колдоо” жылынын алкагында “Ассафа” фондунун каржылоосу менен айыл өкмөттөгү жетим-жесирлердин, турмуштан эрте ажыраган аялдардын, ата-энесинен ажырган, ден соолугунун мүмкүнчүлүгү чектелген жарандар үчүн 100 үй-бүлөгө ылайыкталган социалдык шаарча курулууда. Социалдык шаарчанын бардык шарты бар. Футбол ойноочу аянтчасы, дүкөнү, кийим тигүү цехи курулуп жатат. Айыл өкмөт айылдык кеңештин депутаттарынын колдоосу менен ушул чоң долбоор башталган. Бул да болсо калктын калың катмарында жашаган аярлуу адамдарды колдоо болуп саналат. Социалдык шаарчаны куруп жаткан фонд айылга мечит салып берген. Анын негизинде Куршаб айылында 20 участогу бар жерди айылдык кеңештин депутаттарынын колдоосу менен жер бөлүнүп, социалдык шаарчанын курулушун баштоого жетишти. Куршаб айылында көп жылдан бери жер маселеси бар. Айыл өкмөт башчысы Алтынбек Ташиев башында, айылдык кеңештин депутаттары менен биргеликте ата-энесинен ажыраган, ден соолугунун мүмкүнчүлүгү чектелген жарандарга, турмуштан ажыраган аялдарга жер тилкесин бөлүп беребиз деп убадасын берген эле. Бирок андан да артык иштер жасалууда. Бул да болсо Куршаб айыл өкмөттүн ошондой эле айылдык кеңеш менен бирге жетишкен ийгилиги болуп эсептелет. Социалдык шаарча бүткөндөн кийин атайын комиссия түзүлүп, шаарчага жашоочулардын тизмесин түзөт. Шаарчадагы үйлөрдө бардык шарттар каралган. Эмерек-мебелдери бар. Болгону алар келип эле үйдө жашай беришсе болот.

Видео Куршаб айыл өкмөтү 200 млн.дон сомдон ашык инвестиция тартып, социалдык шаар курууда. канала Куршаб Маданият Маалымат