Мәсімовты Танымай Қалдым!

Бәріңізге Ассалаумағалейкум!

«Внимание, внимание, говорить Білген Дұрыс. «Нұротан партиясы, 72% халықтың дауысын жинап, үлкен басымдықпен осы сайлауда жеңді». Қайталап айтамын Нұр Отан жеңді! Билік мына жеңісті, «міне көрдіңдерме, бұл - Нұротанның 4 жыл бойы, халықпен бірге жұмыс жасағанының жемісі. Сайлауға бір ай қалғанда оянатын партияларға, бәрібір халық сенбейді. Нұротанның халыққа жасаған жақсылыған, ел көріп отыр» деп, бағалады.
«Кімнің кім екенін моншаға барғанда білесің» демекші, «кімнің кім екенін, кешегі сайлауда» білдік. Төрт жыл бойы «ұйықтап отырған» депутаттар, бір ай бойы оянып, көктемдегі «ұйқыдан оянған тіршілік иелері» сияқты, әрекет ете бастады. Осы депутаттардың бәріде, «ауылды көркейтеміз» деп сайрады. Енді 4 жылдан кейін, келесі сайлаудың алдында ғана ауылға бармаса болды. Общем, «ұят жоқ» бұларда. Міне, сайлаудағы масқаралықтары мен ұрлықтары ашылып, әділетсіздікке жол бергені белгілі болып, елдің алдында масқара, қарабет болып қалды.
Аты-жөні белгісіз болып жүрген, алты партияның бірнешеуі, «азан шақыртып, өздеріне жаңа ат алып», алтаудың ішіндегі бесеуі, «сайлау» деген бәйгеге қосылды. ЖСДП-ның, стартқа таяғанда, “маскасы шешіліп”, масқара болып, далада қалды.
Бұл сайлаудың басталуыда таңқаларлық болды. Алтынбек Сәрсенбай сынды арыстың шәкірті, қоғамдық белсенді, танымал азамат, оппозиционер, билікті батыл сынаушы Айдос Сарымда, сайлауға бір ай қалғанда, астындағы атын ауыстырып, Нұротанның жып - жылы вагонына кіріп кетті. Осылай Алтынбектей, халықтың бір туар азаматының “аруағын аттап” кете барды.
Заманбек Нұрқаділов ағамыздың зайыбы, қазақтың ерке қызы, әнші - Мақпал Жүнісовада, алпысқа таяған шағында, алжасып кетті ме, жоқ әлде, «Нұротанның нұрына шомылып жүрейін» деді ме, бір-ақ күнде, «шапанын теріс киіп», Нұротанның мүшесі болып шыға келді.
«Кешегі сайлаудың сиқын» көрдіңіздер. Әр учаскеге, тәуелсіз бақылаушыларды кіргізбей тастады. Тәуелсіз бақылаушылар, «ковид 19-дың бар жоғын анықтайтын, ПТР тестін тапсырсын» деп, қатаң талап қойыпты. Ал анау, «шетелден келіп жатқан келімсектерден, ПТР тестін сұрамайтын билік», осындай сылтау тауып, сайлау күні, бақылаушыларды учаскеге кіргізбей тастады. Демек, мына талап бойынша, тек бақылаушылардың ғана емес, сайлау учаскесіне келген, әрбір сайлаушының қалтасында, ПТР тесті болуы керек емес пе?
АҚШ конгресмендеріне ғана бағынатын Азаттық радиосының тілшілерін, сайлау учаскесінен сүйреп шығарды. Сөйтіп, не тәуелсіз бақылаушы, не журналист, ешкім жоқ сайлау учаскесінде, белеттерді өз қолдарымен жазып белгілеп, бюллетень салатын сандықты толтырып тастады. Тастағанда да, молынан тастап жатыр. Бір адамның бірқанша бюллетеньнен тастап жатқаны камераларға түсіп қалды.
Президентіміз Қасым-Жомарт Тоқаев мырза: 10-шы қаңтарда, яғни сайлау күні, наразылық білдіретіндер болса, оларға "ешқандай репрессиялық шаралар қолданылмайды". Барлық кандидатқа тең жағдай жасалды. Ал үкімет, заңға сай, сайлаудан кейін, отставкаға кетуі тиіс. Сайлаудан соң парламентке барып, фракция жетекшілерімен, жаңа депутаттармен премьер министр мен министрлердің кандидатурасын ақылдасамын, - деді, президентіміз Тоқаев мырза.
Бірақ, кешегі сайлау күні, сайлауға байкот жариялап, митингіге шыққан Жанболат Мамай бастаған оппазиция өкілдерін, арнайы жасақ қоршауға алып, бұрынғыдай алаңнан адамдарды автобустарға тиеп, алып кету арқылы, бейбіт митингіні болдырмады. Алаңға келетін, халықтың жолын жауып тастады. Халықтың арман, тілегін айтуға мұрсат бермеді. Интернет пен байланысты нашарлатты.
«Нұротан, отанымды жеме» деп, митингіге шыққан бір топ қазақтың жап - жас қыздары айқайлап тұрды. Осындай да, «қазақтың жігіттері қайда» деп ойлап қаласың? Олар, мына қыздар, күннің суығына қарамай, алаңға шығып, әділеттік үшін айқайлап, ұрандап жатқанда, қазақтың жігіттері, “үйлерінде отырып, онлайнда қарсылықтарын танытқан-ау” шамасы.
Кеше бір қарға тұмсығына, қазақтың құртын қысып алып, Байтеректің бұтағына келіп қоныпты. Оны көрген бір түлкі, құртын алмақшы болып: «қарға, сен сондай сұлусың» десе, қарға үндемепті. Содан соң түлкі: «қарға, сен сондай ақылдысың» десе, қарға тағыда үндемепті. Содан түлкі: «қарға, сен ертең сайлауға барасың ба?» деген кезде, қарға: «бармаймын» деп айғай салыпты. Қарғаның аузындағы құрты жерге түсіп келе жатқанда, түлкі қағып алып, өз жайына кетіпті. Қарға: «сайлауға барамын, деп айтсамда, бәрібір құртымнан айырылатын едім» деген екен. Сол айтпақшы, «сайлауға, сайлау құқығы бар адамдардың 70%-ы қатысты» деп жатыр. Бірақ, тәуелсіз бақылаушылар, «30% ғана халық қатысты» деп отыр. Себебі, елдің бәрі, қарға сияқты ойлап отыр. Анау бір прикол бар еді ғой. егер де дейді, егер де дейді! Сайлауға келмесең дейді. «Онда дауысыңды өзіміз бере саламыз» депті! Толығырақ Видеода...

Видео Мәсімовты Танымай Қалдым! канала BILGEN DURYS