Ўзбекистон: Болам қамоқда қийноққа солишяпти, деди, шундан сўнг ундан хабар бўлмаяпти - BBC Uzbek

#bbcuzbek

Диний айбловлар билан қамалиб, 20 йилдан бери жазосини ўтаб келаётган маҳкум Фарруҳ Юлдашевнинг онаси Латофат Набиева бир неча кундан бери фарзандининг саломатлигидан кучли хавотирда эканини айтади.

Набиеванинг иддао қилишича, Навоий вилоятидаги 11-сонли жазони ижро этиш колониясида жазо ўтаётган ўғли 11 июнь куни колония маъмуриятининг одатдаги рухсати асосида оиласига қўнғироқ қилган, суҳбат давомида эса Юлдашев колонияда унга нисбатан қийноқлар бўлаётгани, уни азоблашаётганини маълум қилган ва шу вақтда телефон алоқаси узилиб қолган.

Латофат Набиева ўша дақиқаларда ўғли яна икки бор қайта қўнғироқ қилгани, аммо икки бор ҳам алоқа назоратчилар томонидан узиб қўйилганини билдиради.

Онанинг сўзларига кўра, у телефон сўзлашувида айтганлари учун ўғлига эҳтимолий қийноқлар қўлланганидан ташвишга тушиб, ўтган кунлар давомида бир қанча расмий идораларга мурожаат этгани, аммо фарзандининг аҳволи тўғрисида ҳеч қандай маълумот берилмаётганини даъво қилади.

Фарруҳ Юлдашевнинг турмуш ўртоғи Марҳабо Юлдашева эса ҳам фарзандларининг отаси, ҳам қайнонасининг соғлигидан ташвишланаётганини айтади.

BBC News O'zbek - BBC News O'zbek tilida, onlayn, TV va ijtimoiy tarmoqlarda

Видео Ўзбекистон: Болам қамоқда қийноққа солишяпти, деди, шундан сўнг ундан хабар бўлмаяпти - BBC Uzbek канала BBC Uzbek