Rama takon Mohammed bin Zayed Al Nahyan, mesazh solidariteti nga Abu Dhabi

Kryeministri Edi Rama zhvilloi një takim në Abu Dhabi me presidentin e Emirateve të Bashkuara Arabe, Mohammed bin Zayed Al Nahyan.

Në një reagim në rrjetet sociale, Rama e cilësoi takimin si vëllazëror, duke theksuar se “për paqedashësit dhe ndërtuesit vullnetmirë të së ardhmes, më e mira është e gjitha përpara”.

Sipas njoftimit të qeverisë shqiptare, vizita e kryeministrit në Emiratet e Bashkuara Arabe u zhvillua për të shprehur solidaritetin vëllazëror me vendin mik dhe me presidentin e tij, në një periudhë të ndjeshme për rajonin e Gjirit.

Rama u shpreh i bindur se Emiratet do të dalin më të forta nga kjo situatë, pavarësisht sfidave që lidhen me zhvillimet e fundit në rajon, përfshirë tensionet që burojnë nga konflikti me Iran.

Kryeministri ndau gjithashtu pamje nga takimi në Abu Dhabi, duke përsëritur mesazhin e mbështetjes dhe duke e cilësuar marrëdhënien mes dy vendeve si të qëndrueshme dhe miqësore.

Vizita e Ramës vjen në një moment kur vendet e Gjirit Arabik po përballen me një situatë të tensionuar gjeopolitike, ndërsa Tirana zyrtare ka shprehur mbështetjen e saj për partnerët strategjikë në rajon.
Ndiqni faqen tonë zyrtare të internetit https://euronews.al/ për t’u informuar mbi lajmet kryesore nga vendi, rajoni dhe bota.
Abonohuni në kanalin tonë në YouTube: https://bit.ly/3oEW3AU
Na ndiqni në Instagram: https://www.instagram.com/euronews_albania/
Facebook: https://www.facebook.com/euronews.al/
Twitter: https://twitter.com/EuronewsAlbania

Видео Rama takon Mohammed bin Zayed Al Nahyan, mesazh solidariteti nga Abu Dhabi канала Euronews Albania