YAMPANO AFUNZWE AZIRA KURUMA UMUGORE IZURU😲II YAKUYEMO INDA ZE 3,ARANAMWIBA?MENYA UKO BYATANGIYE

Mbere yo kwitaba RIB iherereye Kanombe, Yampano yabanje gufata amashusho asobanura intandaro y’amakimbirane n’umukunzi we Vava, avuga ko yamubereye umuntu mubi, yamwibye, yamuciye ku nshuti ze zose n’umuryango, yamukuriyemo inda 3…
Nyuma y’ibyo Vava yari yatangaje agaragaza ibimenyetso by’uko yakorewe ihohoterwa rikomeye birimo kurumwa izuru, gukubitwa no kugongwa, Yampano na we yagiye ku mbuga nkoranyambaga mbere yo gufungwa, atanga uruhande rwe ku byabaye.

Mu mashusho yafashe mbere yo kwerekeza mu maboko y’inzego z’umutekano, Yampano yavuze ko atigeze abona urugo rwiza, ashinja Vava kuba yarangije ubuzima bwe.

Yagize ati: “Ntabwo yambereye umugore mwiza. Vava akigera mu buzima bwange, bwahise bumera nk’akayunguruzo katobaguritse. Buri kintu cyanjye cyose cyahise kijya ku gasozi….”

Yakomeje avuga ko yamwibye ibintu byo mu rugo, amusuzugura ndetse akamuteranya n’inshuti n’umuryango we, aho yavuze ko ababyeyi be batakigeraga iwe kubera amakimbirane yatewe na Vava.

Yampano yagaragaje ko mu gihe cy’umwaka umwe gusa, Vava yakuyemo inda eshatu yari yaramuteye, ndetse ko n’ubu ashobora kuba afite indi nda y’amezi atanu ishobora gukurwamo.

Yagize ati: “Yari yararahiriye kujya kundega no kumfungisha… mu mwaka umwe gusa yakuyemo inda 3… ndetse n’ubu ashobora gukuramo inda y’amezi 5.”

Yongeyeho ko Vava yamuciye ku babyeyi be, akamuteranya n’inshuti ze ndetse akamushyira mu buzima bw’akaduruvayo.

Nubwo Yampano yiregura atyo, uruhande rwa Vava rukomeje kugaragaza ibimenyetso bikomeye by’ihohoterwa.

Muri live yakozwe na Godfather, Vava yagaragaje: Amafoto y’ibikomere byuzuye umubiri; Igice cy’izuru rye cyarashwanyagujwe nyuma yo kurumwa; Ubutumwa Yampano yamwandikiye amutera ubwoba ko azamwica cyangwa yiyahura aramutse amureze n'Amashusho agaragaza Yampano ari kunywa ibiyobyabwenge

Ibi byiyongera ku buhamya bwe bw’uko yigeze no kugongwa n’imodoka yari itwawe na Yampano ku bushake, nyuma yo kumusohora mu modoka.

Видео YAMPANO AFUNZWE AZIRA KURUMA UMUGORE IZURU😲II YAKUYEMO INDA ZE 3,ARANAMWIBA?MENYA UKO BYATANGIYE канала CELEBS MAGAZINE TV SHOW🔥