Müxalifət baxışı: KXCP sədri Mirmahmud Mirəlioğlu ilə ölkə gündəminin müzakirəsi CANLI DEBAT

Minsk Qrupunun həmsədrlərinin Azərbaycan və Ermənistan XİN başçıları ilə video formatda kontaktı gündəmin ən çox müzakirə olunan mövzusudur. Minsk Qrupunun aktivləşməsi Azərbaycanı niyə narahat edir? Xeyli ərazimizi işğaldan azad etmişik, möhkəmlənmişik, bölgədə liderliyimizi isbat etmişik. İndən belə hansı qurum Azərbaycana nə edə bilər?
Daha bir maraqlı mövzu Ziya Məmmədovla Zakir Qaralova yarım milyard dollarlıq korrupsiya ittihamıdır. Amma onlar heç biri bu ittihamlara cavab vermədilər. Susmaq təsdiq, razılıq əlamətidir deyirlər. Bu iki sabiq məmurla bağlı hansı hüquqi ölçülər götürülməlidir? Onalrın adı keçən həmin layihə yenidən araşdırılmalıdırmı? Məmmədovla Qaralov hansı hüquqi məsuliyyət daşıyır?

Ermənistan ərazilərimizdən daha 106 cəsəd topalyıb aparıb. Prezident İlham Əliyev illər öncə deyirdi: "Erməni əsgəri ölmək istəmirsə, Azərbaycan torpaqlarına gəlməsin". Ölüb qalıblar, çürüyüblər. Amma ard -arda tapılan bu cəsədlər Ermənistanı qarışdıra bilər.

Məcburi köçkünlərin siyahıya alınmasına başlanılıb. Ev-ev gəzib, onların ailə sayı dəqiqləşdirilir, doğma yurdlarında necə və neçə təsərrüfata sahib olacaqları bildirilir. Bəs geriyə qayıdış nə vaxtdan başlayacaq? İşğaldan azad edilən torpaqlarda bərpa prosesinə start verilib.

Qondarma "respublika"nın rəhbəri Araik Arutyunyan rus dilinin rəsmi dövlət dili kimi tanınması barədə qanunu imzalayıb. Ora Azərbaycan ərazisidir və bu qanunsuzluğa Azərbaycan necə cavab verəcək?

Azərbaycan, Türkiyə və Gürcüstan xarici işlər nazirlərinin Bakıda görüşü olacaq. Bu üçlü görüşün detalları, məqsədləri nədir?

Bu və gündəmdəki digər mövzuları KXCP sədri Mirmahmud Mirəlioğlu ilə müzakirə edirik. Müzakirədə tamaşaçılarımız da iştirak edə bilər. Bunun üçün Musavat.com-un Facebook və Youtube səhifələrindən birini bəyənib, paylaşa bilərsiz.

Видео Müxalifət baxışı: KXCP sədri Mirmahmud Mirəlioğlu ilə ölkə gündəminin müzakirəsi CANLI DEBAT канала TV Musavat